domingo, 8 de noviembre de 2026
Nota de prensa del Gabinete de Comunicación del PSdeG:
O candidato do PSdeG á presidencia da Xunta, Xoaquín Fernández Leiceaga, esixiu moita máis información sobre o futuro de Alcoa, non pode haber este velo de silencio arredor dunha industria tan importante para Lugo, A Coruña e o conxunto de Galicia.
Leiceaga visitou a fábrica de Alcoa en San Cibrao e mantivo unha reunión cos traballadores do comité de empresa, xunto coa presidenta da xestora e candidata ao Congreso Pilar Cancela; o presidente da Deputación de Lugo, Darío Campos; os cabezas de lista ao Congreso e o Senado na provincia de Lugo, Margarita Pérez Herráiz e Ricardo Varela, e representantes e alcaldes do partido na comarca.
Escoitamos as explicacións do comité e estamos dacordo con eles na necesidade de ter unha maior información, falamos de 1.600 empregos directos entre San Cibrao e A Coruña, está en xogo o futuro dunha industria moi importante para o PIB galego que sempre contou cunha implicación pública permanente, manifestou.
Falamos tamén cos traballadores da importancia de contar cun control e unha supervisión adecuada do que está pasando, engadiu Leiceaga. O custo da enerxía é outro tema fundamental, é importante que os custos de subministro se reduzan, dixo o candidato do PSdeG, que considera necesario garantir a unidade do complexo.
Fotografía: web PSdeG
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
