miércoles, 12 de agosto de 2026
Nota de prensa del Gabinete de Comunicación del PSdeG:
O Grupo Parlamentario dos Socialistas de Galicia aceptou a proposta da Comisión Xestora do PSdeG de nomear á deputada pontevedresa Patricia Vilán como portavoz, logo da renuncia de José Luis Méndez Romeu. A portavoz socialista subliñou que o noso obxectivo é gañar as eleccións e os nosos adversarios son o PP e Núñez Feijóo.
Patricia Vilán ofreceu unhas declaracións aos medios de comunicación, inmediatamente despois de ter sido nomeada, nas que agradeceu en primeiro lugar a José Luis Méndez Romeu o seu traballo como portavoz, así como aos membros da dirección do Grupo. Agradeceu tamén a súa proposta como portavoz, que foi trasladada pola presidenta da Comisión Xestora, Pilar Cancela, e que teño aceptado de maneira grata.
Agradeceu a confianza do partido e anunciou que en breve proporalle ao Grupo Parlamentario o nomeamento do resto dos membros da Comisión Permanente. Vilán propuxo hoxe ao deputado coruñés Emilio Vázquez como viceportavoz primeiro e a deputada ourensá Noela Blanco viceportavoz segunda, unha proposta respaldada polo Grupo.
A portavoz do Grupo Socialista sinalou que tódolos membros do Grupo Parlamentario dos Socialistas de Galicia somos protagonistas na súa medida, todos facemos o noso traballo moi ben feito e sinalou que tocoume entrar como última no Hemiciclo e fareino exactamente igual diante que detrás.
A presidenta da Comisión Xestora, Pilar Cancela, explicou que a proposta de Vilán responde a que se trata dunha muller tremendamente forte, capaz e con valores socialistas moi afianzados. Explicou que o nomeamento deriva da dimisión, onte, do anterior portavoz, e transmite certa identidade do candidato co equipo que dirixa o Grupo Parlamentario.
Subliñou a intención da nova portavoz de integrar aos diferentes membros do Grupo para constituír un equipo tremendamente compacto e que non se trata de identificalos cunha ou outra corrente. Advertiu que se trata da primeira muller portavoz do Grupo Socialista porque, dixo, somos consecuentes cos nosos principios e coa loita pola igualdade.
Fotografía: Gabinete de Comunicación del PSdeG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
