miércoles, 12 de agosto de 2026
Nota de prensa del Gabinete de Comunicación del PSdeG:
O candidato do PSdeG á presidencia da Xunta, Xaquín Fernández Leiceaga, asegurou en Santiago que a principios do mes de xullo teremos listo o programa electoral, os socialistas galegos seremos unha alternativa sólida para disputarlle o goberno ao Partido Popular.
En declaracións aos medios de comunicación, Leiceaga apuntou que hoxe mesmo empezamos a organizar o traballo e a axenda pensando nas eleccións de outono. Queremos difundir as nosas propostas entre os colectivos sociais e grupos organizados que poidan aportar as súas demandas, manifestou.
Estaremos á altura das circunstancias e faremos un traballo intenso de contacto coa sociedade, asegurou Leiceaga, que recoñeceu que está contento e satisfeito, pero tamén asumindo a responsabilidade que temos os socialistas por diante.
O PSdeG xera moitas expectativas e temos que estar á altura das circunstancias, engadiu o candidato socialista, que atopou no partido un ambiente de traballo e colaboración.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
