viernes, 6 de noviembre de 2026
A conselleira do Medio Rural, Ãngeles Vázquez, participou en Tui na sesión de apertura dos terceiros Job days da Eurorrexión Galicia-Norte de Portugal, organizados pola Agrupación Europea de Cooperación Territorial G-NP (GNP AECT), onde destacou que o sector agroalimentario é estratéxico na nosa Comunidade, tanto pola súa dimensión -dá emprego a máis de 30.000 persoas- como pola súa transcendencia económica e social, xa que factura máis de 10.000 millóns de euros anuais.
Ãngeles Vázquez sinalou que, dende a Xunta, se aposta fortemente por impulsar as producións de calidade como estratexia de fomento do medio rural. Con este obxectivo, recalcou, creouse o Instituto Galego da Calidade Alimentaria (Ingacal) para traballar na investigación e desenvolvemento deste sector punteiro en Galicia. AsÃ, explicou a conselleira, o Ingacal fomenta e protexe a calidade diferencial dos produtos alimentarios galegos mediante o impulso do desenvolvemento rural e da transferencia tecnolóxica.
A titular de Medio Rural, que estivo acompañada polo director xeral de Relacións Exteriores e coa UE, Jesús Gamallo, agradeceu a realización deste terceiro Job Days, posto que esta edición está centrada no sector da agroalimentación, co obxectivo de facilitar o contacto entre empresarios e profesionais deste sector e promover a mobilidade e a colocación e contratación entre Galicia e o Norte de Portugal.
Nesta sesión de apertura tamén estiveron presentes o presidente da Cámara Municipal de Valença do Minho, Jorge Salgueiro Mendes, e representantes do EURES, do Clúster Alimentario de Galicia e do Polo de competitividade e TecnoloxÃa Agroindustrial de Portugal PORTUGALFOODS.
Actividades
Estas “xornadas polo emprego” contan cunha área de exposición e stands, destinados fundamentalmente ao intercambio de información cos candidatos ás prazas vacantes que previamente se teñan ofertado; á realización de entrevistas cos candidatos; e á publicación das ofertas de emprego nunha plataforma informática especialmente habilitada para o evento. Hai dispoñibles máis de 25 ofertas de traballo no sector da agroalimentación.
Ademais, hai conferencias e presentacións temáticas especializadas, sobre asuntos como “o sector agroalimentario como motor de crecemento no perÃodo de financiamento 2014-2020” e “os desafÃos do sector agroalimentario no mercado laboral transfronteirizo da Eurorrexión Galicia-Norte de Portugal”.
O primeiro job day, dedicado ao sector da metalmecánica, tivo lugar en xuño de 2014 en Tui e o segundo foi realizado en Vila Nova de Cerveira, no Alto Minho, dirixido ao sector hostaleiro.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
