viernes, 24 de abril de 2026
A ConsellerÃa de Cultura, Educación e Ordenación Universitaria celebra o 30 de outubro un novo ‘Magosto no GaiásÂ’, que nesta edición estará dedicada ao baile. Para iso, contará coas actuacións de Os Cempés e os pandereteiros de O Fiadeiro, que estarán precedidas dunha degustacións de castañas da Indicación Xeográfica Protexida ‘Castaña de GaliciaÂ’.
Por terceiro ano consecutivo, a Cidade da Cultura e Agadic celebran a chegada do outono cun tradicional magosto, que nesta ocasión conta cun programa que xira ao redor da danza galega e das danzas de roda europeas con música ao vivo. O obxectivo é lograr un espazo para o divertimento, o exercicio e a interacción social dun xeito lúdico, distendido e informal. Mais tamén unha oportunidade para a aprendizaxe de novos xéneros e bailes, conectando ao público galego ao movemento internacional do Bal Folk que en Europa vive un momento de grande intensidade.
Para conseguilo, a partir das 21:00 horas, o Museo Centro Gaiás contará coas actuacións de O Fiadeiro e Os Cempés, que achegarán o público a un repertorio de músicas tradicionais para un obxectivo único: bailar. A festa virá precedida dun magosto tradicional, que arrancará ao redor das 20:00, con degustación de castañas da IXP ‘Castaña de Galicia’.
O magosto máis o concerto teñen unha entrada conxunta de 5€, que poden adquirirse na billeteira do Museo Centro Gaiás, de martes a domingo de 10 a 20 horas, ou por internet a través de www.ataquilla.com (+gastos de xestión). Como toda a programación da Cidade da Cultura, o ‘Magosto no Gaiás’ conta con descontos para os socios do Club Gaiás e diversos colectivos especiais que se poden consultar en www.cidadedacultura.gal.
Obradoiros de balde pola tarde
Mais o Magosto deste ano non se limitará á noite. Será un programa ao redor da danza galega e das danzas de roda europeas con música en vivo, que contará a partir das 17 horas con dous obradoiros de iniciación ao baile: un serán con Sandra Vázquez e rodas e agarrados con Suso Cancelas e Pili Conde.
Ambos os dous obradoiros son de balde mais é preciso inscribirse en www.cidadedacultura.gal. As actividades son para todos os públicos pero no caso dos menores de 12 anos deberán vir acompañados dun adulto.
O festival Play-Doc desenvolverá do 29 de abril ao 3 de maio en Tui a súa 22ª edición para conectar memoria, creación actual e futuro do cinema galego e internacional. No ámbito galego, a programación desta edición volve ocupar un lugar central cunha Competición Galicia que reúne tÃtulos de Xiana do Teixeiro, Roi Fernández, Xacio Baño, Adrián Canoura, Cristina Souto, Hugo Amoedo, Bea Lema, Berio Molina e Chloé Lecci López, entre outras voces. O festival mantén, ademais, a sección Sombras, dedicada nesta ocasión á recuperación da figura de Rafael Luca de Tena, e unha nova edición de Coming Soon, espazo no que se presentarán proxectos galegos en desenvolvemento. O Play-Doc continúa a reforzar a súa función de escaparate e plataforma de difusión para a produción audiovisual do paÃs e como punto de encontro para novas obras e profesionais.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
