viernes, 6 de noviembre de 2026
O vicepresidente da Xunta, Alfonso Rueda, asistiu á clausura da reunión do Comité de Seguimento do Programa INTERREG V A España - Portugal (POCTEP) 2014-2020, que é o órgano encargado de asegurar a eficacia e a calidade da execución do dito Programa, e que aproba as convocatorias e establece os criterios de selección dos proxectos.
Este Comité de Seguimento está presidido polos representantes da Dirección General de Fondos Comunitarios do Ministerio de Hacienda (España) e a Agência para o Desenvolvimento e a Coesão (Portugal), e forman parte del os membros dos Comités Territoriais, representantes do sector do medio ambiente e ordenación, dos municipios, dos axentes económicos e sociais, estando presentes a titulo consultivo as Autoridades de Xestión e Certificación e a Comisión Europea.
O vicepresidente da Xunta, Alfonso Rueda, expresou a súa satisfacción porque a capital de Galicia fose a escollida para celebrar a reunión de fundación do Comité de Seguimento do programa INTERREG V. A España - Portugal (POCTEP: Programa Operativo de Cooperación Territorial España-Portugal). Para o goberno galego os fondos dedicados á cooperación territorial axudan a tecer unha estrutura de cooperación transfronteiriza con Portugal, que é un dos obxectivos da acción exterior da nosa Comunidade. Neste senso, coa creación da AECT promóvense proxectos conxuntos de ambas rexións, e coa consolidación dunha macrorrexión con Castela e León, Asturias e as rexións do Norte e Centro de Portugal amplÃanse aÃnda máis este obxectivo.
Nos últimos anos houbo avances no estreitamento das relacións transfronteirizas en moitos campos: no municipal, na formación, universidade, medio ambiente, saneamento, a lingua ou a mobilidade dos traballadores, entres outros. Ademais, tamén se puido conseguir un alto nivel de execución de proxectos aprobados nas anteriores convocatorias do POCTEP coma os proxectos Raia, Cloudpyme e o Ariem 112. Precisamente, esta mañá os membros do Comité de Seguimento do programa europeo o visitaron na sede do CAE 112 Galicia este último proxecto, como exemplo das boas prácticas e os logros do INTERREG.
Para este vindeiro perÃodo, a Comunidade de Traballo Galicia-Norte de Portugal elaborou o Plan de investimentos conxuntos, PIC, que será a base da polÃtica de cooperación no ámbito da cooperación transfronteiriza na nosa Eurorrexión e que foi un dos documentos que se tiveron en conta na elaboración deste programa INTERREG. Ademais, grazas a estratexia para a especialización intelixente (RIS3), que será complementado por un RIS3 transfronteirizo para a Eurorrexión, apoiarase a innovación de maneira máis eficaz.
Os fondos do Programa INTERREG contribúen a construÃr un espazo común, cunha maior integración, mais servizos compartidos e un desenvolvemento conxunto do coñecemento, da nosa innovación e da nosa economÃa. Ademais de servir para mellorar a integración e as fronteiras artificiais entre os paÃses dean lugar á unión real das nosas sociedades. Cabe resaltar que a Unión Europea aumentou nese perÃodo a porcentaxe de fondos dedicados a cooperación rexional
INTERREG
O Programa INTERREG V A España - Portugal (POCTEP) 2014-2020 é a consecuencia directa da favorable experiencia que desde 1989 ten suposto a cooperación na raia fronteiriza entre ambos paÃses que permitiu e que pretende continuar avanzando na mellora da calidade de vida dos habitantes do Espazo de Cooperación.
O financiamento comunitario da cooperación transfronteiriza serviu para fomentar o intercambio de experiencias e o coñecemento mutuo dos actores da fronteira; consolidar as estruturas de cooperación existentes e realizar proxectos estratéxicos que garantan a visibilidade da cooperación e da Eurorrexión.
A axuda FEDER programada para toda a fronteira hispano-lusa durante o perÃodo de programación 2014-2020 ascende a un total de 288 millóns de euros, o que supón un 8 por cento de incremento da axuda con respecto ao anterior perÃodo.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
