lunes, 10 de agosto de 2026
O presidente da Xunta, Alberto Núñez Feijóo, destacou no pleno do Parlamento o compromiso do Goberno galego para seguir fortalecendo os sectores produtivos clave para a economía da Comunidade. O sector lácteo é clave para Galicia e moi especialmente para as zonas rurais, ao igual que o é o sector da madeira, da pesca e do marisqueo, que o sector da lousa e da pedra ou que o sector cárnico, aseverou, logo de recoñecer que, hoxe, os sectores produtivos en Galicia teñen moito máis futuro que hai seis anos.
En resposta ás preguntas dos grupos na Cámara, Feijóo referiuse, nun primeiro termo, ao sector lácteo lembrando que a produción total de leite na Comunidade aumentou en 80 millóns de litros nos últimos dez anos, máis dun 4%; e a media de produción por explotación subiu un 230%, é dicir, máis de 210.000 quilos, subindo tamén o número de vacas por explotación en máis dun 55%. E resaltou, tamén, que entre o ano 2010 e o 2014 o prezo medio do leite en Galicia subiu un 21%, pasando de 28,9 céntimos a 35, baixando así mesmo os custos de produción en 2012 un 17%.
Ante estas cifras, e ademais de subliñar a aprobación de tres reais decretos cara á unha regulación completa do sector, Feijóo afirmou que o Executivo autonómico seguirá traballando para acabar coas prácticas comerciais abusivas: Imos seguir perseguindo as industrias que fagan dumping; a seguir inspeccionando as grandes superficies e as cisternas que veñen de Portugal, para saber exactamente de onde proceden e cales son os prezos..., aseverou.
Sector forestal: máximas garantías de emprego e ambientais
No tocante ao sector forestal, o titular da Xunta afirmou que o Goberno galego seguirá a buscar as máximas garantías do emprego e ambientais.
Ao fío disto, e con relación a Ence, avogou por abrir unha reflexión seria sobre o que queremos para o sector forestal e para Pontevedra. Propoño que reflexionemos conxuntamente para tomar unha decisión porque soamente hai unha posible: ou Ence pecha ou se mantén superando os estritos controis medioambientais, aseverou.
Logo de resaltar que o sector da madeira constitúe o 3% do PIB galego, con 3.000 empresas e con 20.000 empregos directos e 30.000 indirectos, Feijóo fixo fincapé en que no que atinxe á empresa situada en Pontevedra non hai espazo para ambigüidades nin demagoxias: A alternativa de Ence non é o traslado, é o peche e quedarse sen ningunha industria transformadora do papel en Galicia. Ou se queda en Pontevedra coas máximas garantías medioambientais ou lles dicimos ás 800 familias que viven de Ence que se van quedar ser traballo e ás 20.000 persoas que viven do aproveitamento madeireiro que a madeira volverá baixar porque hai que levala a Asturias, incidiu.
Por outra banda, e en resposta a unha pregunta de AGE, Feijóo destacou que hoxe en Galicia hai 25.000 persoas menos en paro e 17.000 persoas máis afiliadas á Seguridade Social que hai un ano; a taxa de paro xuvenil baixou catro puntos sobre o ano pasado e seis con respecto á media de España; e, hoxe, os datos da EPA de 2015 confirman ese cambio de tendencia e por primeira vez desde 2008 créase emprego con respecto ao mesmo período do ano anterior.
Se ben aínda queda moito por facer, o titular da Xunta afirmou que estas cifras proban que Galicia está no camiño axeitado para reducir o paro e crear emprego. E por iso seguiremos traballando nesta liña, obrigando á banca a incrementar as provisións, é dicir, a baixar os seus beneficios; diminuíndo os beneficios das eléctricas; abrindo o mercado galego para que haxa máis gasolineiras ou incrementando o uso dos medicamentos xenéricos...en definitiva, seguiremos defendendo os intereses dos galegos, concluíu.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
