martes, 3 de noviembre de 2026
A Fundación Deporte Galego vén de convocar, a través do Diario Oficial de Galicia, a segunda fase das axudas a deportistas galegos/as de alto nivel, baixo a denominación de Axudas Destino Río Axudas DGAN.
Esta convocatoria enmárcase no habitual plan de axudas á preparación de deportistas galegos/as de alto nivel e, á súa vez, ten en conta que 2014 e 2015 son anos previos aos Xogos Olímpicos e Paralímpicos de Río 2016. Por esta singularidade e co fin de optimizar as axudas de xeito que sexan o máis operativas e beneficiosas para os/as deportistas destinatarios/as, este ano estableceuse unha convocatoria en dúas fases, das cales a primeira se resolveu no pasado decembro e a segunda é esta que hoxe se publica.
Segundo as bases dispoñibles na sede da Fundación Deporte Galego e na web www.deporte.xunta.es, dende hoxe ata o 28 de abril os/as deportistas poderán solicitar unha das dúas liñas establecidas: Axudas Destino Río 2016, destinadas aos que teñan opcións de clasificación para os vindeiros Xogos Olímpicos e Paralímpicos, e as Axudas DGAN, dirixidas ao resto de deportistas recoñecidos/as pola Secretaría Xeral para o Deporte como deportistas galegos/as de alto nivel. Os deportistas poderán recibir ata 3.000 euros de axuda.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
