viernes, 6 de noviembre de 2026
Logo de manter unha reunión coa comisaria de Política Rexional, Corina Cretu, e co comisario de I+D+i, Carlos Moedas, o presidente da Xunta, Alberto Núñez Feijóo, avanzou que neste mes de febreiro a Comisión Europea aprobará o Programa operativo Feder elaborado pola Xunta para o período 2014-2020. Recibimos polo tanto a aprobación ao modelo de crecemento económico de Galicia, a aprobación do Programa operativo Feder 2014-2020, e desbloqueamos así os primeiros 900 millóns do total de fondos europeos que ascenden a 4.000 millóns a investir no período 2014-2020, aseverou.
Feijóo subliñou que as concentracións temáticas destes fondos responden á Estratexia de Especialización Intelixente, onde imos apostar pola competitividade da pequena e mediana empresa, polo uso das tecnoloxías, polo incremento do presuposto de I+D+i nas empresas e por unha economía baixa en carbono, a través de plans de eficiencia enerxética.
En definitiva, ímonos moi satisfeitos porque o importante é que podemos empezar xa a programar, proxectar e a executar 900 millóns de euros dos fondos feder, incidiu o responsable do Goberno galego.
Así mesmo, Feijóo subliñou que o encontro coa comisaria de Política Rexional, Corina Cretu, serviu para dar continuidade á relación que ata o de agora a Xunta viña mantendo co anterior titular desta carteira comunitaria, Johannes Hahn, e para constatar a disposición do Goberno galego de proseguir nesta mesma liña de diálogo aberto e fluído.
Por outra banda, e no tocante á reunión co recentemente nomeado comisario europeo de I+D+i, Carlos Moedas, Feijóo destacou como un dos temas centrais do encontro a Estratexia de Especialización Intelixente (RIS 3), que supón un investimento público e privado de 1.600 millóns en materia de innovación.
O presidente da Xunta cualificou de moi satisfactorias as tres reunións mantidas hoxe en Bruxelas coa comisaria de Política Rexional, co comisario de I+D+i e co comisario de Medio Ambiente, Asuntos marítimos e Pesca. Foi aseverou- unha axenda completa onde os tres comisarios nos comunicaron que éramos a primeira delegación dunha Comunidade autónoma española que recibían nesta nova andaina do Goberno europeo.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
