viernes, 6 de noviembre de 2026
O Comité Termal Ourensán constituÃuse na Casa do Concello de Cortegada, onde celebrou a súa primeira xuntanza, presidida polo presidente da Deputación de Ourense, Manuel Baltar. Na reunión, os membros que integran o comité recibiron o documento do Plan Termal “Ourense, á provincia termal” -validado pola Xunta de Galicia- para que cada administración coñeza cales son as súas obrigas e competencias no desenvolvemento desta iniciativa.
Ademais diso, na xuntanza Manuel Baltar deu conta da aprobación o venres pasado en Xunta de Goberno da orde de axudas enmarcadas no programa de “Termalismo saudable” e das infraestruturas e obras planificadas no ámbito termal, entre as que figuran a piscina fluvial de Laias e un paseo termal no parque do Carballiño. Asemade, Baltar informou da presentación que a Deputación de Ourense realizará do Plan Termal en Fitur o vindeiro 29 xaneiro, e da xuntanza que onte mantivo coa ministra de Fomento, Ana Pastor, na que acordaron asinar novamente este ano o convenio entre a Deputación de Ourense e Renfe para a oferta de “Viaxes termais”, que permitirá aos visitantes coñecer as excelencias do termalismo da provincia por medio dun programa de estancias e tratamentos nos establecementos balnearios de Ourense.
Na xuntanza de hoxe os demais integrantes do Comité Termal Ourensán fixeron as súas achegas na liña de seguir potenciando e promocionando as actividades e as infraestruturas termais da provincia, e tamén se preparou a que vai ser a vindeira reunión do Consello Termal, que terá lugar o 22 de marzo, DÃa Internacional da Auga, no balneario de Baños de Molgas.
O Comité Termal Ourensán, o órgano de xestión ordinaria encargado do seguimento do Plan Termal, celebrará reunións aló menos cada dous meses en diferentes balnearios da provincia. Está integrado pola Deputación de Ourense, a Xunta de Galicia, o Goberno central, o Concello de Ourense, a alcaldesa de Lobios (representando aos demais concellos da provincia por ser a presidenta da sección de Vilas Termais da FEMP), o Campus de Ourense (Campus da Auga) e o sector privado por medio da CEO e da Asociación de Balnearios. Na reunión de hoxe tamén participou o autor do plan termal, Mario Crecente, e ao remate da mesma os membros do comité visitaron as obras do balneario de Cortegada.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
