jueves, 5 de noviembre de 2026
A Consellería de Cultura, Educación e Ordenación Universitaria, a través das secretarías xerais de Política Lingüística e de Cultura, apoia a posta en valor da figura e da obra do intelectual lugués Manuel Rodríguez López a través da súa colaboración cunha exposición itinerante que afonda na figura e na obra do escritor de Paradela. Manuel Rodríguez López, emigrante galego, poeta obreiro é o título deste proxecto expositivo que se pode visitar ata o 7 de outubro na Biblioteca Miguel González Garcés da Coruña. .
O acto de apertura da mostra, que tivo lugar esta mañá, contou coa participación do secretario xeral de Cultura, Anxo Lorenzo, quen salientou o talento de Manuel Rodríguez ao servizo da difusión da cultura e da identidade galegas. O responsable de Cultura cualificou o proxecto expositivo como unha merecida homenaxe ao intelectual lucense e ao seu legado.
Mostra itinerante
Na inauguración tamén participaron, entre outros, o fillo do homenaxeado, Santiago Rodríguez; o presidente da Real Academia Galega, Xesús Alonso Montero; o alcalde de Paradela, José Manuel Mato; Antonio Giz, director de GaliciaDigital; e a directora da biblioteca, María del Mar Lauroba.
A mostra itinerante, conformada por oito paneis dobres nos que se expoñen de xeito gráfico anacos da vida e obra do escritor de Paradela, chega á Coruña despois de percorrer concellos das catro provincias galegas, entre os que se inclúen Paradela, Lugo, Begonte, Sarria, Portomarín e Santiago de Compostela, así como Cataluña.
A exposición forma parte do proxecto Manuel Rodríguez que GaliciaDigital e a familia do escritor emprenderon no 2012 co apoio do Concello de Paradela, da Xunta de Galicia e da Deputación e Concello de Lugo.
A traxectoria do poeta
A vida do intelectual queda reflectida na publicación dun libro sobre a súa traxectoria, un documento que fai un percorrido pola historia deste emigrante que deixou un inmenso legado a través das súas obras poéticas ou en prosa, así como coa súa colaboración en diversos libros.
Rodríguez López sempre mostrou unha gran preocupación pola cultura e por Galicia, e durante a súa etapa vital en Cataluña desenvolveu un importante labor como cronista dos actos desenvolvidos relacionados con Galicia naquela comunidade.
Cómpre recordar que Manuel Rodríguez López viu recoñecido o seu traballo a través de diferentes e numerosos premios entre os que se atopan o de poesía Meigas e Trasgos de Sarria nos anos 19976 e 1980; o Xosé María Chao Ledo no III Certame Literario de Vilalba, en 1977 e o primeiro premio do Certame Literario de Begonte en 1985, entre outros galardóns. Ademais foi nomeado fillo predilecto de Paradela o ano no que faleceu (1990) e Lucense do ano 1989.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
