miércoles, 15 de abril de 2026
Galicia rexistrou en xuño un total de 356.798 viaxeiros aloxados en establecementos hoteleiros, isto é un 4,3% máis que en xuño de 2013. A cifra de pernoitas alcanzou as 658.666, un 6,1% máis que en xuño de 2013.
O turismo nacional en Galicia sube en xuño un 8,5% e o internacional sobe un 6,4%. Esta mellora do turismo internacional supón o máximo histórico de viaxeiros internacionais aloxados en xuño na comunidade con preto de 129 mil e con preto de 200 mil pernoitas. o peso do mercado internacional en termos de pernoitas sitúase neste mes de xuño no 30%.
Ao tempo, os establecementos hoteleiros galegos rexistraron en xuño unha suba da estadÃa media do 1,8% nata situarse no 1,85. A ocupación medrou 1,03 puntos porcentuais e a ocupación media en fin de semana medrou 1,49 puntos porcentuais.
O nivel de viaxeiros aloxados en xuño deste ano tamén alcanza o máximo histórico nun ano non Santo. Só en 2004 e 2010 se rexistrou unha cifra de viaxeiros no mes de xuño superior á rexistrada neste xuño de 2014.
O incremento da cifra de viaxeiros e pernoitas computadas no mes de xuño en Galicia supera ao rexistrado de media no conxunto do Estado, tanto en viaxeiros -onde a suba foi do 3,3%- como en pernoitas - que rexistrou unha suba do 2% no conxunto do Estado-.
Datos do primeiro semestre
No primeiro semestre do ano, Galicia rexistrou un incremento na cifra de viaxeiros aloxados nos establecementos hoteleiros da comunidade do 4,8% en relación ao ano pasado, superando os 1,4 millóns de viaxeiros.
As pernoitas neste primeiro semestre tamén subiron un 3,1%, rexistrando algo máis de 2,6 millóns. A nivel estatal, a mellora da demanda hoteleira foron do 4,6% en viaxeiros e do 3,7% en pernoitas.
O turismo nacional na primeira metade do ano medrou un 3,7% e o internacional medrou un 6%. Acada asà o máximo histórico de viaxeiros internacionais aloxados en establecementos hoteleiros da comunidade con preto de 400.000 e de pernoitas con preto de 627.000 nos primeiros seis meses. Peso no conxunto da demanda deste segmento de viaxeiros é do 28% e do 24% no caso das pernoitas acumuladas. A ocupación media nos primeiros seis meses tamén rexistrou unha suba dun punto porcentual.
Santiago de Compostela
No mes de xuño, Santiago de Compostela rexistrou unha cifra de viaxeiros aloxados en establecementos hoteleiros de 64.271, un 1,2% máis que no mesmo mes do ano pasado. No primeiro semestre de 2014, a cifra de viaxeiros acadou os 243.199, un 0,4% máis que no primeiro semestre de 2013.
Medrou a cifra de viaxeiros nacionais aloxados en establecementos hoteleiros da cidade de Santiago. A suba foi do 9,9% en xuño e do 2,2% no primeiro semestre. As pernoitas de viaxeiros nacionais tamén rexistraron unha suba do 10,2% en xuño.
Peregrinos no que vai de ano
Dende o 1 de xaneiro ao 23 de xullo chegaron a Santiago un total de 108.331 peregrinos. O 56,28% proceden doutros paÃses. Esta cifra supón un incremento do 8,97% a respecto da cifra de peregrinos recibidos no mesmo perÃodo de 2013.
O xornalista galego de elDiario.es José Precedo, que defendeu o dereito ao segredo xornalÃstico ante o Tribunal Supremo, é o gañador do XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro 9 de maio na Casa Consistorial. A sala de prensa do Concello de Pontevedra acolleu o anuncio da candidatura gañadora da vixésimo primeira edición do Premio Xornalistas de Liberdade de Prensa, organizado polo Colexio Profesional de Xornalistas de Galicia coa colaboración do Concello de Pontevedra. O acto contou coa presenza do alcalde Miguel Anxo Fernández Lores, a decana do Colexio Belén Leal e o secretario do premio DarÃo Janeiro.
Esta edición do Encontro de Artes Novas contará coa participación de talentos recoñecidos como a escritora, comisaria e podcaster Sonia Fernández Pan, que realiza desde 2021 a serie de podcasts The Tale and The Tongue co Instituto de Arte, Xénero e Natureza da Escola Superior de Deseño e Arte de Basilea. Ou a dupla artÃstica Clo-Plas, unha proposta sonora única e radical da poeta e xornalista Xiana Arias e o artista e investigador Berio Molina, que fusionan versos e electro-pop minimalista coa oralidade popular da Fonsagrada. O programa inclúe tamén cunha conversa co profesor e investigador en FilosofÃa da TecnoloxÃa, Pablo Sanguinetti, autor do libro Tecnohumanismo. Por un diseño narrativo y estético de la inteligencia artificial e de numerosos artigos académicos e divulgativos sobre a intersección entre tecnoloxÃa, humanidades e creatividade.
