viernes, 7 de agosto de 2026
No miradoiro dos Balcóns de Madrid (Parada de Sil) tivo lugar a presentación da 20ª etapa da Vuelta Ciclista a España (Santo Estevo de Ribas de Sil-Porto de Ancares, de 185 quilómetros). O acto contou coa presenza do presidente da Deputación de Ourense, Manuel Baltar; a directora da Axencia de Turismo de Galicia, Nava Castro; o director xeral da Vuelta Ciclista a España, Javier Guillén; o xerente do Inorde, José Manuel Rodríguez; a responsable de Relacións Institucionais de Unipublic, Laura Guijarro, e os alcaldes dos concellos polos que discorre a etapa.
O presidente do goberno provincial dixo que este evento deportivo será un magnífico escaparate para difundir a riqueza do noso termalismo, o Plan Termal que estamos a desenvolver conxuntamente coa Xunta de Galicia, e tamén para promocionar a candidatura da Ribeira Sacra como Patrimonio da Humanidade.
Esta 20ª etapa da Volta Ciclista a España será a que previsiblemente decida a carreira e contará coa presenza de 22 equipos e das máximas figuras nacionais e internacionais no ámbito do ciclismo, entre as que figuran Alejandro Valverde, Nairo Quintana, Purito Rodríguez, Wiggins ou Horner.
Os organizadores estiman que o impacto dunha etapa da Vuelta sitúase ao redor de 300.000 euros, contando os ingresos directos en hostelería e combustible, entre outros, aos que hai que engadir o impacto mediático e promocional en todo o mundo (chega a 178 países). A 20ª etapa correrase o sábado 13 de setembro, será a penúltima da Vuelta 2014 e percorrerá os concellos de Nogueira de Ramuín (saída en Luíntra), Esgos, Pereiro de Aguiar e A Peroxa.
As persoas acreditadas para seguir a Vuelta, incluíndo aos xornalistas nacionais e internacionais, son ao redor dunhas mil, aínda que a caravana completa, que inclúe equipos, seguridade, organización e prensa, está formada por unhas 2.500 persoas.
En canto aos datos de audiencia, tendo en conta os anos anteriores, o seguimento da Vuelta está en torno ao 17 % de share, o que supón unha cifra próxima aos dos millóns de espectadores só en España.
O lugar escollido para a presentación desta etapa da Volta foron os Balcóns de Madrid, en plena Ribeira Sacra ourensá, un lugar que o presidente da Deputación definiu como a postal de referencia e a imaxe característica da Ribeira Sacra, un lugar dende o que se pode admirar a riqueza da natureza e a enerxía da nosa historia, en definitiva, un sitio onde converxen tranquilidade e grandiosidade: a capital do Patrimonio da Humanidade", dixo Manuel Baltar.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
