lunes, 10 de agosto de 2026
O presidente da Xunta de Galicia, Alberto Núñez Feijóo, reuniuse con Benito Vázquez, conselleiro delegado en España da empresa Everis, unha multinacional da consultaría filial do grupo xaponés NTT Data. O encontro, no que participou tamén o conselleiro de Economía e Industria, Francisco Conde, ten lugar logo da recente viaxe a Xapón do mandatario galego, no que se reuniu con directivos do grupo nipón, e serviu para valorar novas oportunidades de investimento en Galicia por parte de Everis. A compañía, que conta cunha sede na Coruña, traballa en diversos proxectos de compoñente innovador para afianzar a súa posición na comunidade.
Precisamente, o xefe do executivo galego resaltou a vinculación que xa ten construído Everis con Galicia nos últimos anos, non só a través das súas oficinas na Coruña, senón dando emprego a máis de 150 persoas na comunidade, e poñendo en marcha proxectos de colaboración con entidades públicas autonómicas e con varias das principais empresas de Galicia.
Ademais, Everis forma parte de dous clúster galegos, o das TIC e o clúster da Saúde, e ten subscritos convenios marco de colaboración coas tres universidades galegas. Esa alianza, defendeu Feijóo, sairá reforzada cos novos proxectos innovadores.
O encontro dá continuidade ao traballo desenvolvido en Xapón polo presidente da Xunta tras a visita que unha delegación do xigante comercial xaponés Aeon fixo a Galicia.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
