viernes, 7 de agosto de 2026
O novo Consello de Administración do CB Breogán, encabezado polo seu presidente, Antonio Veiga, tamén vicepresidente da Deputación de Lugo, visitou o Pazo Provincial dos Deportes para reunirse cos xogadores, corpo técnico e empregados do club, coa intención de informalos sobre “a máxima normalidade coa que está transcorrendo todo este proceso” e trasladarlles unha mensaxe de tranquilidade sobre a viabilidade e futuro do club.
Durante o encontro, Antonio Veiga presentou aos catro novos membros que forman parte do Consello de Administración: José Mourelle Cillero, secretario xeral da Deputación de Lugo, Rosa Abelleira, interventora da Deputación de Lugo; e Alfonso Orol e Alberto Fernández Fraga, dúas persoas moi vinculadas ao mundo do deporte lucense.
Respecto aos retos que teñen fixados desde o Consello de Administración, Alberto Fernández Fraga, ao que se lle delegan as funcións no ámbito deportivo do Breogán, explicou que “o labor que vamos desempeñar resúmese en tres palabras: compromiso, implicación e diálogo. Compromiso tanto co proxecto deportivo como co club e todos os traballadores que o conforman; implicación ata o punto de que este sábado viaxaremos cos xogadores do Breogán ata A Coruña para disputar o partido de liga; e diálogo porque a partir da próxima semana iniciaremos unha rolda de contactos con todos os estamentos do Breogán e persoas interesadas para mellorar o que que se poida mellorar e manter o que estea ben”.
Desde o Consello de Administración afrontan esta nova etapa do proxecto do CB Breogán SAD con todas as garantÃas tanto a nivel deportivo como a nivel financeiro, legal e de transparencia.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañÃas galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos tÃteres, presentada por Viravolta, Vai de Roda e TÃteres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
