martes, 11 de agosto de 2026
A reunión produciuse tralo anuncio feito polo presidente provincial na presentación do segundo informe do Observatorio Económico Ourensán, onde apuntou a necesidade de que os máximos responsables da Deputación de Ourense, da Confederación de Empresarios e da Cámara de Comercio se reunisen para avaliar, analizar e poñer en común as actuacións que as tres institucións desenvolven no ámbito socio-económico na provincia de Ourense, dado que son os únicos entes de ámbito provincial neste eido con acción encamiñadas á xeración de emprego.
Un dos ámbitos de colaboración refÃrese a que tanto CEO como Cámara de Comercio participen na elaboración do Observatorio Económico Ourensán, e tamén se contempla a sinatura dun convenio de colaboración entre a Deputación de Ourense e a Cámara de Comercio, por importe de 25.000 euros, tendo como base a realización de accións encamiñadas ao mantemento e á xeración de emprego.
Asemade, os responsables das tres institucións falaron na súa xuntanza dos aspectos recollidos no Plan de xestión e estratexia operativa OURENSE 92 da Deputación de Ourense, que inclúe medidas como o plan de emprendemento agrario, que porá a disposición daqueles emprendedores que, en concorrencia pública e competitiva, teñan proxectos empresariais para desenvolver no ámbito rural e non dispoñan de terras para facelo, e finalmente, abordaron aspectos referidos ao Plan Provincial de Obras da Deputación, unha iniciativa xeradora de riqueza e postos de traballo, na que as tres institucións poden encontrar puntos de colaboración e cooperación.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañÃas galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos tÃteres, presentada por Viravolta, Vai de Roda e TÃteres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
