sábado, 8 de agosto de 2026
O secretario xeral do PSdeG-PSOE en Lugo e candidato á secretaría xeral do partido en Galicia, José Ramón Gómez Besteiro, respostou sobre a fórmula acordada para a consulta previa ao Congreso. Agardo que o secretario xeral explique ese acordo á militancia. Hai algúns interrogantes que convén aclarar, sobre todo pola transparencia e por fomentar a participación, que é o que desexamos todos os sociaistas galegos, afirmou.
Asimesmo, indicou que cando isto suceda trasladará a súa opinión no partido. Cando teña algo que dicir o direi nos órganos do partido, pero en todo caso eu espero esa explicación, que estou seguro que se vai facer a través da Executiva Nacional Galega. Como saben son moi respetuoso coas formas, e cando teño que valorar un procedemento fágoo nos órganos do partido, e esa é a miña máxima, asegurou.
Gómez Besteiro insistiu en que a fórmula non se trata de que guste ou non guste, senón que os acordos aos que se chega hai que explicalos e nese sentido o máis importante neste proceso é a transparencia e fomentar a participación. Neste sentido, o socialista destacou: Nese proceso é no que vou estar hoxe en Santiago, nas principais capitais de Galicia e tamén nas comarcas, coa idea de sumar, que é o máis importante que necesitamos os socialistas, e sobre todo falar de futuro, que é o que os socialistas e a sociedade galega espera. Preguntado pola posibilidade de que haxa máis candidatos para optar á secretaría xeral do PSdeG, indicou que isto é un xogo democrático, por tanto pódese presentar un, dous, catro, cinco ou dez.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
