sábado, 7 de noviembre de 2026
No arranque da nova lexislatura, e cando se están a piques de cumprir os 100 primeiros dÃas do Goberno xurdido das urnas o 21 de outubro de 2012; o presidente da Xunta, destacou, na rolda de prensa do Consello, que Galicia tomou decisións para: seguir blindando o seu autogoberno, seguir sendo un referente de eficiencia, seguir reforzando a cooperación e mellorar o benestar social e económico dos galegos. “Ante os galegos –dixo- comprometémonos a continuar no camiño da unidade e no camiño da estabilidade do Goberno e das institucións para que Galicia poda cumprir os cinco grandes obxectivos da lexislatura. E, ante os galegos, podemos dicir que os 100 primeiros dÃas do Goberno teñen servido para constatar que estamos tomando as medidas necesarias para acadar o cumprimento dos cinco grandes obxectivos da lexislatura 2012-2016”.
Deste xeito, e no tocante ao primeiro obxectivo, Feijóo resaltou que a Comunidade galega tomou decisións para seguir blindando o autogoberno e para seguir tendo a solvencia necesaria para non depender do resto do Estado e poder, asÃ, tomar decisións por si mesma. E, neste senso, referiuse a aprobación dos Orzamentos para o ano 2013, “en 16 dÃas hábiles dentro do Goberno e nos 100 primeiros dÃas incluÃdo o Parlamento de Galicia”.
Nestes 100 primeiros dÃas, o Goberno autonómico tomou, tamén, decisións para seguir sendo un referente de eficiencia; “e, neste eido, seguimos adoptando medidas que afondan no cumprimento desa solvencia e que afondan nunha administración pública que paga a provedores, que se financia nos mercados ordinarios e que cumpre os compromisos de déficit público”.
No eido da cooperación, Feijóo lembrou que a Xunta buscou a cooperación cos concellos, a cooperación dos concellos entre si e a remisión da carga lexislativa ao Parlamento galego para, no seu caso, os acordos e os consensos parlamentarios.
Asà mesmo, e en relación ao cuarto obxectivo, o responsable do Executivo galego destacou que a Xunta adoptou numerosas medidas para seguir blindando o benestar dos galegos no ámbito da educación pública, da sanidade pública e dos servizos sociais.
Por último, e sobre o quinto obxectivo, destacou a toma de decisións para aproveitar o rigor, “que consolidamos nos últimos anos”; e para, mantendo ese rigor nesta lexislatura, iniciar unha senda de crecemento económico, cunha maior planificación dos sectores estratéxicos, con máis aposta pola innovación, con máis aposta pola internacionalización e con máis aposta polo emprendemento.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
