sábado, 18 de abril de 2026
O Goberno galego aprobou, por vez primeira, os Plans de investimento das distribuidoras de enerxía eléctrica en Galicia que prevén, ata o ano 2015, arredor de 700 millóns de euros para a mellora da subministración eléctrica. Así o anunciou o presidente da Xunta, Alberto Núñez Feijóo, tras a reunión do Consello da Xunta, que abordou un informe da Consellería de Economía e Industria sobre a aprobación destes plans de investimento das instalacións de enerxía eléctrica en Galicia.
Un investimentos de 700 millóns de euros. Este é o compromiso das compañías de distribución eléctrica de investir en Galicia ata o ano 2015 para mellorar a distribución da enerxía na nosa comunidade autónoma, aseverou Feijóo, subliñando que isto nos permite afondar na mellora eléctrica cunha maior planificación e incidindo en que, por primeira vez, Galicia aproba estes plans conxuntamente e publícaos no Diario Oficial de Galicia.
Polo tanto engadiu-, garantimos a transparencia; sabemos con antelación os investimentos aos que están obrigados as compañías; e tentamos defender máis aos consumidores.
Segundo explicou o mandatario galego, non se poderá cobrar a terceiros unha instalación eléctrica, sempre que esta instalación traia a causa a extensión natural da rede e sexa provocada polo crecemento vexetativo da poboación. Cando unha compañía eléctrica teña que mellorar a súa rede de distribución porque hai máis usuarios, iso non se pode repercutir, en ningún caso, nos custos de transferencia nin nos custos de subministración eléctrica nos recibos da luz, asegurou Feijóo, sinalando que o feito da non repercusión dos custos e a obriga de que as empresas distribuidoras teñan que facer fincapé e asumir, con recursos propios, estes investimentos, é fundamental nos momentos de incremento do recibo da luz.
Segundo manifestou o titular da Xunta, os resultados logrados ata o de agora en relación con estes plans de distribución son positivos, conseguindo unha redución de máis dun 50% no tempo de interrupción da subministración con respecto ao ano 2008; así como unha redución de máis do 38% con respecto ás interrupcións. E a pesares diso abondou-, seguimos investindo, [as eléctricas] seguirán investindo e teñen a obriga de investir uns 700 millóns de euros ata o ano 2015.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
