lunes, 27 de abril de 2026
O sábado 29 de decembro estreouse no Auditorio de Padrón (A Coruña) a obra de teatro Avós... nunca é tarde, que narra a historia dunha familia moi tradicional na que, a través das vivencias cotiáns, xurde o xermolo da corresponsabilidade. A posta en escena desta obra supón a fase final dos obradoiros de teatro desenvolvidos por un grupo de persoas maiores, nunha acción enmarcada no programa da Secretaría Xeral da Igualdade de sensibilización dos valores da educación libre de estereotipos de xénero, para persoas que realizan tarefas de atención e coidado dos seus netos e netas menores.
A través destes obradoiros de teatro, as persoas participantes no programa teñen a oportunidade de reflexionar sobre a vixencia dos estereotipos de xénero nos diferentes ámbitos da sociedade, a socialización diferencial por xénero, as desigualdades no reparto de tarefas domésticas ou a segregación do mercado laboral por sexos. O programa, que se vai desenvolver nas catro provincias, deu comezo en Padrón, co ensaio e a estrea desta peza teatral.
A iniciativa, que ten como obxectivo utilizar o teatro como medio para a ruptura dos estereotipos de xénero, a partires da concienciación das persoas maiores que exercen labores de coidado de menores, forma parte das accións do Plan Galego de Persoas Maiores 2010-2013 e desenvólvese a través do proxecto Eles tamén, no que participan Galicia, Castela León e Portugal.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
