lunes, 27 de abril de 2026
A delegada territorial da Xunta en Lugo, Raquel Arias, inaugurou a exposición das pinturas do XXIII Certame de Arte do Belén de Begonte, unha iniciativa que, segundo destacou, “representa a capacidade de perpetuarse e estimular a creatividade cultural” nun momento como o actual.
Arias, acompañada polo alcalde de Begonte, José Ulla Rocha, significou que o belén de Begonte supón non só un referente durante a época do Nadal en Lugo, senón “un catalizador para as iniciativas culturais na provincia”, xa que vencellada a esta representación desenvólvense certames e concursos literarios, poéticos e tamén pictóricos.
A delegada gabou a calidade das 21 obras presentadas ao concurso, que poderán ser visitadas de xeito gratuÃto de luns a sábado na sala de exposicións do Edificio Administrativo en Lugo ata o dÃa 15 de xaneiro, trasladándose despois a mostra a Begonte. O xurado utilizará tamén a sede administrativa da Xunta para celebrar as reunións de traballo das que sairán as obras gañadoras.
Trátase de obras de diferentes formatos e estilos que, segundo destacou Raquel Arias, “van espertar a curiosidade dos que se acheguen a vela, máis alá dos detalles técnicos que valorarán axeitadamente os membros do xurado”.
Na presentación estiveron presentes tamén o alcalde begontino, José Ulla Rocha, e Xulio Xiz, en representación do Centro Cultural José DomÃnguez Guizán. O rexedor sinalou a importancia que o belén e as actividades culturais complementarias teñen para “situar a Begonte como referente do Nadal en Galicia”
Pola súa banda, Xulio Xiz subliñou o feito de que se tivera chegado á vixésimo terceira edición do certame literario, e avanzou a posibilidade de que esta mesma semana o xurado alcance un acordo sobre os gañadores.
Precisamente a delegada agradeceu a ambos, representantes dos promotores do certame, que elixiran o Edificio Administrativo da Xunta como “escaparate” para o evento, á vez que puxo de manifesto que a sede da Xunta é “un espazo aberto a todas as asociacións e colectivos que queiran facer uso das instalacións para iniciativas culturais ou sociais como a presente”.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o dÃa 1, prolongándose ata o dÃa 7, continuando en Ponteareas, desde o dÃa 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 dÃa ata o 10; Viveiro, do dÃa 13 ao 19; Foz do 20 ao 23, e rematarán en Monforte de Lemos, onde se celebrará do dÃa 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
