lunes, 27 de abril de 2026
A Consellería de Cultura, Educación e Ordenación Universitaria remata o domingo, 30 de decembro, a programación especial de Nadal do Salón Teatro de Santiago con dúas funcións (ás 12.00 e ás 18.00 horas) do espectáculo Trogloditas, unha proposta de actores e títeres para todos os públicos a cargo compañía galega Tanxarina.
Trogloditas é un espectáculo ambientado na prehistoria e no que os seus tres intérpretes Miguel Borines, Eduardo Rodríguez Cunha Tatán e Andrés Giráldez convidan aos asistentes a coñeceren, a través do humor e dos monicreques, o xeito de vida dos homes e mulleres das cavernas.
Dous lanzadores de menhires, un levantador de pedras ou un faquir que atravesa o seu corpo cun tronco, farán a delicia do público asistente, divertindo a grandes e pequenos, O espectáculo, mesturado coa intervención actoral dos tres personaxes condutores da representación, está destinado a público familiar e, especialmente, a nenos e nenas a partir de 3 anos.
Con canas de bambú
Tanxarina é unha das formacións galegas máis recoñecidas e prestixiosas do teatro de monicreques. A relación escénica entre títeres e actores é un dos sinais de identidade da compañía, que adoita combinar nos seus espectáculos distintas técnicas de animación de bonecos co traballo actoral dos propios manipuladores. No caso de Trogloditas utilízanse títeres de varas elaboradas con canas de bambú.
As entradas para estas últimas funcións do ano no espazo escénico que xestiona o Centro Dramático Galego (CDG) estarán só á venda no despacho de billetes do Salón Teatro, que abrirá dúas horas antes do comezo de cada pase. O prezo é de 5 euros por localidade.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
