viernes, 6 de noviembre de 2026
O presidente do Goberno galego, Alberto Núñez Feijóo, subliñou, na rolda de prensa do Consello, que Galicia finaliza a súa lexislatura colocando con normalidade a súa débeda e tendo crédito no peor momento posible, mentres a maioría das comunidades teñen pechado todos os mercados de débeda e están acudindo ao Fondo de Liquidez con contías de 5.000 millóns de euros.
O titular da Xunta cualificou a noticia de excelente para a próxima lexislatura e afirmou que garantir a solvencia da comunidade supón un triplo beneficio: beneficiámonos nós mesmos, porque unha comunidade fiable e solvente xera más confianza para os investidores; beneficiamos aos nosos provedores, porque cobran e as facturas páganse; e beneficiamos a España, porque hai unha comunidade que se está financiando con normalidade a pesar da situación de prima de risco do Reino de España e a pesar do peche de mercados para a inmensa maioría das comunidades.
Galicia leva executado o 72% do seu Programa de endebedamento
Deste xeito, Feijóo precisou que Galicia leva executado, a data de hoxe, xa, o 72% do total do seu Programa de endebedamento autorizado polo Ministerio de Facenda do Goberno central; 30 puntos máis que a media das comunidades autónomas. E isto significa que por cada 4 euros que os mercados lle fían ás comunidades, a Galicia lle fían 7 euros, explicou, logo de recalcar que estes datos son o suficientemente concluíntes para comprobar a solvencia da comunidade.
Así mesmo, o responsable do Goberno galego destacou que só no último mes, Galicia foi capaz de pechar operacións polo 18% do total do Programa de endebedamento que ten autorizado para o ano 2012, ademais de manter neste momento negociacións avanzadas sobre outro 10%.
Feijóo incidiu en que, pese ás dificultades que se están pasando en España, Galicia sigue gozando de crédito entre os bancos e entre os investidores. A pesar de todas as dificultades, Galicia sigue tendo crédito e Galicia sigue sendo unha comunidade solvente e, grazas a isto: Galicia está logrando reducir a ratio de débeda sobre o PIB; non necesitamos acudir aos créditos ICO nin ao Fondo de Liquidez das comunidades financiado polo Goberno central; Galicia, hoxe, ten 3 puntos de débeda pública por debaixo da media das comunidades; e mantemos un autogoberno.
Feijóo salientou que, cando hai comunidades que están acudindo ao Fondo de liquidez, Galicia pediu cero euros dos 50.000 millóns de euros que o Goberno de España puxo a disposición das comunidades e, grazas a isto, estamos logrando financiarnos sen sobresaltos; é dicir, estamos conseguindo colocar a nosa débeda entre 200 e 250 puntos básicos por debaixo do prezo que pagan o resto das comunidades para colocar a súa débeda.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
