miércoles, 4 de junio de 2025
O Presidente da Deputación e da Fundación TIC, José Ramón Gómez Besteiro, e o director de series de ficción, Carlos Sedes, abren o curso académico 2012-2013 da Escola de Imaxe e Son de Lugo (EIS), que depende do organismo provincial.
Como xa é tradicional no mes de setembro, no arranque do curso, a Fundación TIC acolle ós representantes do sector audiovisual máis reputados do momento. No inicio oficial do curso 2012-2013, o director coruñes Carlos Sedes achegará ós alumnos da EIS a súas experiencias no ámbito profesional no que desenvolve o seu traballo, o deseño de series de ficción de enorme éxito como: Hispania (Antena 3), Gran Reserva , Guante Blanco e Desaparecida (TVE), ou Padre Casares, Mareas Vivas e Terras de Miranda (TVG), entre outras. A meirande parte dos seus traballos fixéronno acreedor de importantes premios en festivais nacionais e internacionais, como a Medalla de Prata no Festival de New York no 2009, e os de Mellor Director e Mellor Programa de todas as categorÃas no Seúl Drama Festival de 2008 pola serie Patricia Marcos: Desaparecida. A Academia Galega do Audiovisual tamén o distinguiu cos galardóns ó Mellor Realizador e á Mellor Serie por Padre Casares, As leis de Celavella e Terras de Miranda, entre outras.
Alto grao de inserción laboral
A Fundación TIC ten entre as súas prioridades facilitar a inserción laboral dos alumnos da EIS, que está a ser moi alto tendo en conta o nivel de formación que reciben e a posibilidade de realizar prácticas reais. Na actualidade, a TIC mantén contacto con máis de 70 empresas nacionais do sector multimedia e ten asinados máis de 100 convenios de colaboración con ONGs, asociacións culturais e entidades deportivas para difundir o seu labor mediante a realización de proxectos audiovisuais. Esta liña de colaboración permite que os alumnos e titulados da EIS leven a cabo traballos profesionais, a través dun programa de bolsas, que lles facilitan a súa posterior incorporación ó mercado laboral.
A Escola de Imaxe e Son de Lugo, o único centro educativo da provincia que imparte ensinanzas de formación profesional da familia audiovisual oferta 44 prazas, 22 para cada un dos módulos superiores: Realización e Produción de Audiovisuais. Todas elas quedaron cubertas ó pouco de abrirse o prazo de matrÃcula, ó igual que ocorreu os catro anos anteriores, e mesmo moita xente quedou en lista de espera, agardando a posibles baixas de última hora.
A Escola ten matrÃcula gratuÃta dende hai cinco anos para todos os alumnos, agás os repetidores, co fin de apoiar un ensino público de calidade e accesible a todos.
'Castelao. Mirar por Galicia' incluirá unha experiencia inmersiva con videoproxección cúbica: un resumo do periplo vital e creativo de Castelao, relatado en primeira persoa, que presentará tamén unha selección de obras dotadas de vida mediante técnicas de animación 3D e intelixencia artificial nunha recreación artÃstica do seu espÃrito creativo. Ademais, estase a realizar un traballo de recreación da voz do intelectual, da que se conserva un único rexistro sonoro: a mensaxe que gravou en fonopostal na Central de Correos de Bos Aires, co gallo da estrea de Os vellos non deben de namorarse en Montevideo en 1941, conservada no Arquivo Sonoro de Galicia do Consello da Cultura Galega. O arquivo someteuse a un depurado do son para, a continuación, adestrar unha intelixencia artificial para reproducir con fidelidade o timbre, entoación e textura da voz.
Memorias dun neno labrego, de Xosé Neira Vilas, e Hamlet, de William Shakespeare, serán as producións centrais do Centro Dramático Galego para a próxima temporada 2025-2026, na que porá o foco nos clásicos tanto galegos como universais. A unidade teatral acaba de lanzar a convocatoria do proceso de selección dos 23 intérpretes destes espectáculos, que teñen prevista a súa estrea para o primeiro semestre de 2026. Das prazas convocadas, sete corresponden ao elenco da adaptación teatral do emblemático libro de Xosé Neira Vilas, para o que o CDG contará na dramaturxia e dirección con Cándido Pazó. Da súa man, o personaxe de Balbino volverá cobrar vida nunha proposta evocadora que combinará teatralidade e poesÃa.
