sábado, 19 de julio de 2025
O conselleiro de Cultura, Educación e Ordenación Universitaria, Xesús Vázquez Abad; o director executivo territorial de la Caixa en Galicia, Marc Arthur Benhamou, e o presidentes da Fundación Santa María La Real-Centro de Estudios del Románico, José María Pérez González; asinaron un convenio de colaboración a través do que impulsarán a formación de mozas e mozos investigadores en situación de desemprego en materia de conservación do patrimonio cultural. Ao abeiro deste acordo, impulsarase a elaboración da Enciclopedia del Románico en la Península Ibérica, un proxecto que afonda na grande riqueza deste espazo xeográfico desde o punto de vista histórico, artístico, ecolóxico e paisaxístico, con valores específicos dentro da arte románica.
Para contribuír a este proxecto a Consellería de Cultura e Educación facilitará o acceso aos investigadores aos monumentos e bens do patrimonio histórico das catro provincias galegas que compoñen o programa da enciclopedia, sempre de acordo ao máximo respecto por estes. Deste xeito, o departamento dirixido por Vázquez Abad contribúe á formación e ao emprego de mozas e mozos investigadores licenciados en Xeografía e Historia e en Arquitectura en situación de desemprego, no que supón, ademais dunha promoción do patrimonio cultural galego, unha clara aposta por facilitar o acceso ao mercado laboral aos máis novos.
O traballo de investigación será complementado con formación para os mozos investigadores e a tutela a cargo dun grupo de profesores e profesionais de acreditada solvencia e cunha longa e contrastada experiencia académica e profesional en diversas universidades e museos españois, así como en proxectos e plans relacionados coa moderna tutela do patrimonio. O obxectivo é preparar ao estes novos licenciados para que poidan asumir responsabilidades na protección e dinamización da arte e o patrimonio cultural, que lles abran ademais as portas de novas oportunidades profesionais.
Enciclopedia do románico
Froito do traballo de campo redactaranse artigos sobre diferentes testemuños románicos conservados en Galicia, que formarán parte da Enciclopedia del Románico en la Península Ibérica, promovida e coordinada pola Fundación Santa María la Real, da que se editarán 1.500 exemplares. Ademais, esta información será publicada na plataforma web Románico Digital.
O obxectivo da enciclopedia e a investigación a ela vencellada é recuperar os valores patrimoniais históricos e artísticos dos vestixios románicos na Península Ibérica, así como propoñer solución de recuperación arquitectónica para responder aos usos actuais en condicións de seguridade axeitadas.
Así mesmo, procúrase promover estes monumentos e bens históricos como foco de atracción para o turismo cultural, de tal forma que se convertan en elementos dinamizadores das zonas nas que se sitúan.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
