lunes, 27 de abril de 2026
O Centro Galego de Arte Contemporáneo, dependente da ConsellerÃa de Cultura, Educación e Ordenación Universitaria, ofrece o 11 de setembro ás 21 horas un concerto de blues experimental a cargo do músico Bill Orcutt. A entrada para este evento, que terá lugar no auditorio do museo compostelano, será de balde ata completar o aforo.
Bill Orcutt, cunha formación musical completamente intuitiva e autodidacta, está considerado por moitos dos seus contemporáneos como un dos guitarristas máis innovadores no terreo do blues. Entra a inicios dos noventa na escena punk-rock e hardcore norteamericana no grupo Harry Pussy, onde tocaba unha guitarra de catro cordas cun estilo de punteado hardcore-blues, mesturado ademais con rock e flamenco.
Nunha entrevista Orcutt confesou: “Eu non son mais ca un tipo que anda á procura do seu propio camiño tocando blues”. Esta premisa é a responsable de revivir o ánimo que agrupou a varios músicos do pasado século, os cales, a través da elaboración xenérica, consumaron obras singulares con marcas de autorÃa inequÃvocas desde Lightnin´ Hopkins a Mississipi Fred McDowell e Robert Johnson; pero tamén John Fahey, Screamin´ Jay Hawkins, Jimi Hendrix, Derek Bailey ou Keiji Haino.
Os seus álbums máis recentes son Way Down South (2010) e How the Thing Sings (2011). Asemade, o seu traballo A New Way to Pay Old Debts (2009), foi elixido mellor álbum do ano pola revista especializada The Wire.
O FaCeLa Fest reúne este ano a 18 bandas, encabezadas polos ingleses Temples, os galegos Triángulo de Amor Bizarro, os asturianos Australian Blonde e as madrileñas Shego. Completan o cartel o novo proxecto lucense The Foolans, Bernal, Axolotes Mexicanos, Los Palms, PacÃfica, Ripship, Error 97, Sigilu, Filophóbicas, Toldos Verdes, Las Yhadys, Aeronave Adolescente, Fotocopia e Sapo Bufo. O escenario principal trasládase nesta edición á Sala Tebras pero haberá tamén concertos noutros espazos da cidade, como o Bar Facela, no barrio da TinerÃa.
Galicia aposta por ampliar as melloras no ensino tamén ás etapas de ESO, Bacharelato e Formación Profesional con novas propostas en materia de ratios, atención á diversidade e horario docente, dentro da vÃa de diálogo aberta entre Xunta e sindicatos. As propostas, que se elevarán aos órganos pertinentes coa previsión de comezar a aplicalas desde o novo curso que arranca en setembro, abordan melloras nas ratios de estudantes por aula na ESO e no Bacharelato, na atención que se presta ao alumnado que máis o precisa e na configuración do horario do profesorado e das súas funcións.
