sábado, 17 de mayo de 2025
O presidente da Deputación de Ourense, Manuel Baltar, reuniuse cos responsables da organización destes eventos, Pichi Sierra e Luis Aragones, os cales lle trasladaron ao presidente provincial as novidades deste ano.
Polo que atinxe ao XVIII Rallye de Clásicos, o evento consiste nun rallye de regularidade pola provincia de Ourense para vehículos históricos (entre 1946 e 1978), que percorrerán en total 300 quilómetros. Pola súa banda, o IX Rallye de Antigos percorrerase ao longo de 150 quilómetros en el poderán participar coches dos anos 1904 a 1965.
Os automóbiles cubrirán un percorrido por diferentes vilas e pobos da provincia. Partindo da capital ourensá pasarán polo arredores de Ourense (zona termal da Chavasqueira e Outariz), para achegarse posteriormente nas diferentes etapas e nos días seguintes ao Canón do Sil, Celanova, A Merca, Allariz, Xunqueira de Ambía, Baños de Molgas e Maceda.
Para máis información:
www.clasicosourense.com
O ciclo de concertos Orballo Cultural vén de presentar a súa edición 2025, que se celebrará entre os meses de maio a setembro. Este ciclo propón levar ata distintas localidades da xeografía galega, concretamente aos concellos de Estrada, Tomiño, O Porriño, Ribadavia, Muxía, Noia, Ferrol e Sanxenxo, a artistas da escena musical galega. Entre os nomes xa confirmados están Xabier Díaz & Adufeiras de Salitre, Su Garrido Pombo, Herdeiros da Crus ou The Limboos. O ciclo Orballo Cultural busca unir a variada oferta musical de Galicia co patrimonio cultural e natural de distintas localidades, de tal modo que se pon en valor a rica variedade de opcións turísticas da comunidade. Ademais, integra a gastronomía e a artesanía como valores engadidos, nunha proposta que quere apostar pola sostibilidade e a igualdade.
A exposición afonda na realidade das cantareiras dende o século XVIII ata os nosos días. Daquelas, as mulleres das aldeas tocaban por pura necesidade, xa que non había outra maneira de escoitar música ca creándoa. Frei Rosendo Salvado e Rosalía de Castro xa se interesaron no seu tempo polas cantigas populares galegas considerándoas 'pura poesía, sen artificio' a pesar de estar nunha lingua diferente da oficial e proviren de mulleres labregas, de clase baixa. Rosalía foi, de feito, quen máis se identificou con esa literatura, empatizando co sentimento do pobo e levándoo ás altas esferas da época. A mostra tamén recolle, a través de varios documentos, o interese de persoas estranxeiras como Dorothé Schubarth, Alan Lomax ou Gustav Henningsen pola nosa tradición.
