sábado, 8 de agosto de 2026
O galego, que enfrontaba o torneo coma unha proba para medir o seu estado de forma, non desaproveitou a ocasión e logrou facerse co cetro
continental.
A proba estivo marcada polas altísimas temperaturas, tal e coma xa
sucedera no día de onte na categoría feminina. Pero nada de iso puido
con Javi. O segmento de natación foi comandado polo alemán Schwetz,
que non aparecía no grupo de favoritos. A só 15 segundos del remataba
un importante grupo de máis de vinte homes nos que figuraban todos os
favoritos e o galego Iván Raña.
Na bicicleta houbo bastante movemento, creándose diferentes
grupos, e coma sempre Raña, magnífico ciclista, foi un dos máis activos
e incluso tentou unha escapada, pero foi neutralizado. A transición fíxose
co francés Mulai e o danés Schilling destacados con 40 segundos sobre
un numeroso grupo, que ía comandado por Iván Raña.
Na carreira a pe, Gómez Noya, Bryukhankov e Riederer atacan e van
polos escapados, pero o ferrolán rompeu a carreira a marcha en
solitario. Cando rematan a primeira volta das tres que había que dar,
Noya xa era primeiro e destacado e sigue así ata o final aumentando as
distancias cos seus perseguidores.
Javier Gómez Noya chega na primeira posición e proclámase
campión de Europa, por diante do ruso Alexander Bryukhankov (prata),
con 21 segundos de vantaxe, mentres que Iván Vasiliev logra o bronce.
Mario Mola ocupa a sexta posición, Fernando Alarza é 12º e Iván Raña
chega na 16ª posición, demostrando que xa se atopa moito mellor da
lesión no pe.
Fotografía: arquivo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
