martes, 11 de agosto de 2026
Se ben os datos de ocupación hoteleira do mes de marzo amosan un comportamento máis negativo tal e como acontece tamén no contexto nacional- que o rexistrado en febreiro deste ano, cun descenso do 1,8% na cifra de viaxeiros, Galicia rexistrou no primeiro trimestre de 2012 un total de 474.487 viaxeiros aloxados en establecementos hoteleiros, un 0,4% máis que en relación ao observado no mesmo período do ano pasado, segundo os últimos datos do Instituto Nacional de Estadística (INE).
Galicia situouse neste caso nunha posición intermedia con respecto a outras comunidades autónomas, mentres que o crecemento do volume de viaxeiros no conxunto estatal foi do 0,1%, case parello aínda que lixeiramente inferior ao galego.
O crecemento da cifra de viaxeiros aloxados prodúcese como consecuencia das subas rexistradas en dous mercados concretos: o turismo interno dos residentes en Galicia- e o internacional, con incrementos do 0,8% e o 4,3%..
O comportamento específico dos hoteis é especialmente positivo neste primeiro trimestre. Nesta tipoloxía concreta rexístrase un incremento da demanda do 3,8% no que atinxe á cifra de viaxeiros aloxados, e do 2,5% no que respecta ás pernoitas. Esta dinámica positiva prodúcese, ademais, en todas as categorías dos hoteis, sendo especialmente significativo o incremento rexistrado naqueles de unha e dúas estrelas nos que a cifra de viaxeiros sobe un 5,2% e 5,4%, respectivamente-.
A estas cifras dos establecementos hoteleiros hai que engadir as referentes ao excursionismo estranxeiro facilitados por Frontur, que analiza os movementos en fronteira. En total, de xaneiro a marzo, rexistráronse 1.056.427 excursionistas estranxeiros, o que supón un 3,4% máis respecto dos tres primeiros meses de 2011.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
