martes, 16 de junio de 2026
O secretario xeral de Medios, Alfonso Cabaleiro, inaugurou o seminario Lectura fácil nos medios de comunicación, organizado pola Xunta de Galicia, a través da SecretarÃa Xeral de Medios, en colaboración con Down Galicia e coa Facultade de Ciencias da Comunicación de Santiago de Compostela, que ten como obxectivo fomentar unha cultura xornalÃstica de compromiso coa discapacidade.
Segundo resaltou o secretario xeral de Medios na súa intervención, esta xornada pretende “dar a coñecer e introducir aos profesionais da comunicación no sistema da lectura fácil” e responde a un dos compromisos adquiridos no Plan de acción integral para as persoas con discapacidade, Galicia 2010-2013, que busca fomentar a construción dunha sociedade inclusiva e integradora.
“A lectura fácil nos medios de comunicación é unha ferramenta que permite achegar a información ás persoas con discapacidade intelectual”, lembrou Alfonso Cabaleiro, salientando que este seminario responde á necesidade de que os profesionais da comunicación “realicen un esforzo de formación e actualización continuas, para asà facer posible este achegamento”.
“Todos sabemos que os medios de comunicación son fundamentais e de gran importancia para a integración das persoas con discapacidade na sociedade”, remarcou Cabaleiro, instando aos profesionais dos medios a “prestar especial atención” ao tratamento informativo e á linguaxe que se empregue nesta materia.
Na súa intervención Alfonso Cabaleiro referiuse, ademais, ás actuacións que desde a SecretarÃa Xeral de Medios se levan posto en marcha no eido da discapacidade, como a celebración, no pasado mes de outubro, da xornada sobre o tratamento da discapacidade nos medios de comunicación; a presentación da GuÃa de Boas Prácticas en linguaxe de lectura fácil, que hoxe se entregou aos participantes no seminario e que tamén se editou en braille; ou a edición especial do contido da páxina web da Xunta en lectura fácil, coincidindo coa celebración do DÃa Internacional da Discapacidade, o 3 de decembro.
“Os medios de comunicación deben adoptar compromisos a través de accións para propiciar a reinserción social das persoas con discapacidade e romper barreiras para que poidan ter igualdade de oportunidades co resto dos cidadáns”, aseverou Alfonso Cabaleiro, quen fixo un chamamento aos futuros profesionais da comunicación para que contribúan a crear unha conciencia colectiva en relación coa discapacidade, a promover unha cultura de non exclusión e a fomentar unha cultura aberta para todos.
Seminario Lectura fácil nos medios de comunicación
Na apertura do seminario participaron, ademais do secretario xeral de Medios, o decano da Facultade de Ciencias da Comunicación da Universidade de Santiago de Compostela, José Pereira Fariña; o presidente de Down Galicia, Delmiro Prieto; o presidente do CERMI de Galicia, Anxo Queiruga; e a subdirectora xeral de AutonomÃa Persoal da SecretarÃa Xeral de PolÃtica Social da Xunta, Patricia Toubes.
Tras o acto inaugural, Ana Cabaleiro, responsable de comunicación de Down Galicia, pronunciou o relatorio O tratamento da discapacidade nos medios de comunicación; Mercedes Alonso, coordinadora de Down Ferrol-Teima, abordou o concepto e as orientacións da lectura fácil, as dificultades habituais que teñen as persoas con discapacidade na lectura da prensa e a necesidade de empregar este sistema de lectura; e, por último, desenvolveuse un taller práctico de aplicación das pautas da lectura fácil ao xornalismo.
A posta en marcha do Rexistro galego de persoas centenarias, Regace, sitúa Galicia nunha posición de referencia para o estudo da lonxevidade, posibilitando coñecer mellor as claves deste fenómeno e afrontar os retos que presenta. Preto de 1.800 persoas de cen ou máis anos viven na comunidade galega, o que supón ao redor do 12 % de toda a poboación centenaria de España, un dato que fala da realidade demográfica de Galicia e reflicte unha oportunidade única para aprender, investigar e avanzar. Deste xeito, Galicia presenta un dos mellores resultados no que a esperanza de vida se refire: 81,19 anos para os homes e 86,83 para as mulleres, superando en ambos os casos a media estatal.
A mostra a 'Illa ignorada' estará aberta ata o 12 de febreiro de 2027 e toma o seu tÃtulo do primeiro poemario da escritora Gloria Fortes. Nela cabe destacar os traballos tanto dos artistas galegos Alberto Ardid, Vicente Blanco, Andrea Costas, Caxigueiro, Fina Mantiñán, Juan Carlos Meana, Ariadna Silva, Seoane e MarÃa Elena Montero, como os de Abel Azcona, Amparo Garrido, Regina Giménez, Antoni Muntadas, Sonia Navarro, Ãñigo Royo, Regina Silveira. Ademais desta nova mostra, o centro tamén inaugurou a ampliación, no dobre espazo do Centro Galego de Arte Contemporánea, da exposición Misha Bies Golas, que abriu ao público o pasado 22 de maio cunha escolma de máis de dúas décadas da creación heteroxénea do lalinense Miguel Calvo Ulloa, un dos fundadores do colectivo Nova Escultura Galega.
