martes, 16 de junio de 2026
As dúas xornadas programadas os días 20 e 21 de abril explicarán en que se basa o traballo invisible que fan os lobbistas, como actúan os grupos de presión e como se regula este profesión en España. Con esta finalidade na facultade compostelá reuniranse algúns dos profesionais máis reputados do ámbito dos asuntos públicos.
O I Seminario O traballo invisible dos lobbistas forma parte dun ciclo de conferencia que a consultora Com-Unica Public Affairs desenvolve en diversas localidades españolas sobre novas áreas profesionais para os titulados universitarios. A oferta actual sobre lobbying concéntrase en Madrid, sendo un área académica que os promotores destas xornadas consideran de moita proxección en España xa que este é un país onde aínda non existe unha tradición lobbista como a existente en Estados Unido ou entre outros países comunitarios.
O programa deseñado comezará cunha exploración arredor de novas saídas laborais para os estudantes de comunicación, tratando temas de Responsabilidade Social Corporativa, reputación, relaciones institucionais e lobbying. Esta primeira xornada, dará paso na tarde do venres 20 e o sábado 21 pola mañá a unha análise máis detallada para estudantes e profesionais en materia de lobbying, buscando explicar o porqué da existencia dos grupos de presión, en que se basea a defensa de intereses e como se consegue.
O seminario rematará coa celebración dun debate o sábado entre reputados lobbistas na procura de ofrecer unha alternativa propia á regulación do mundo del lobbying, actualmente nun estado de alegalidade. Para completar o programa, as persoas que asistan ao encontro poderán participar nunha comida cos relatores (profesionais, periodistas, lobbistas e políticos) de xeito que poidan axudar a crear novos contactos aos alumnos da USC.
As persoas interesadas poden atopar máis información no enlace http://www.com-unica.es/index.php/i-seminario-de-el-trabajo-invisible-del-lobbista-una-profesion-en-auge.
A intelixencia artificial (IA), a súa gobernanza e o impacto na organizacións públicas centraron o II Encontro de Equipos de Tecnoloxías da Información e Comunicacións (TIC) das comunidades autónomas, celebrado hoxe en Madrid, no marco do Foro de Dixitalización das Comunidades Autónomas.A Xunta de Galicia estivo representada polo director da Axencia para a Modernización Tecnolóxica de Galicia (Amtega), Damián Rey, ao que acompañaron os responsables da Xerencia e das áreas de Administración Dixital, Infraestruturas e Seguridade, Solucións Tecnolóxicas Sectoriais, Transformación Dixital da Facenda Pública e a Oficina de Apoio Estratéxico e Planificación.
Deseñado e posto en marcha pola Consellería de Medio Ambiente e Cambio Climático a través de MeteoGalicia un servizo meteorolóxico de referencia na Comunidade, o chamado Sistema de Propagación de Incendios de Galicia (Spigal) permitirá dotar o operativo de loita contra o lume da Xunta dunha ferramenta tecnolóxica propia con capacidade para adaptarse á realidade en vivo, comparar distintos escenarios de evolución dun mesmo incendio e avaliar as medidas e actuacións en materia de extinción. Spigal superou xa unha fase de probas a partir dos datos reais dos incendios do verán pasado e está listo para entrar en funcionamento.
