martes, 11 de agosto de 2026
Dende o venres 2 de marzo e ata o domingo dÃa 4, Expourense acolle a 19ª edición da Mostra da Oportunidade que ofrecerá os mellores prezos e vantaxes en milleiros de artigos convertendo ó recinto feiral de Ourense nun gran centro comercial onde setenta expositores liquidarán os seus stocks, coincidindo co final do periodo de rebaixas.
Expourense, colaborando co asociacionismo, presentará unha feira con 8.000 metros cadrados onde os expositores ofrecerán os prezos máis competitivos nunha quincena de sectores. Trátase da edición máis multisectorial xa que, se ben o téxtil segue a ocupar un importante espazo na feira (o 30%), comparten protagonismo con outros sectores como os complementos, o moble, a cosmética, a automoción, a alimentación ou os artigos para o fogar, entre outros. O 88,6% dos expositores son galegos, sendo o 67,1% deles da provincia de Ourense. Esta cita convértese asà nun excelente escaparate para o comercio local.
Centro comerciais
Esta edición da Mostra da Oportunidade contará coa participación dos Centros Comerciais da provincia de Ourense que viron nesta cita unha excelente ocasión para a liquidación dos seus stocks e para poñerlle o broche final ás rebaixas de inverno. Estarán presentes as asociacións de Ourense Centro, do Couto, a de VerÃn, a de O Barco de Valdeorras e o Centro Comercial Pontevella. Os establecementos asociados contarán cun espazo en feira para ofrecer os seus produtos (téxtil, decoración, alimentación, etc.) a prezos vantaxosos para os milleiros de visitantes que agarda recibir a Mostra da Oportunidade.
Expourense realizou ademais unha acción especial coa Asociación Ourensá do Moble e a Decoración (ACMO) para potenciar a presenza deste sector na Mostra e que as empresas poidan ofrecer os seus stocks nesta cita. O moble será, polo tanto, un dos produtos que ocupen a maior superficie en feira ofrecendo varios estilos para as distintas estancias do fogar. Destaca ademais a oferta en automoción. Os visitantes terán a oportunidade de adquirir, con importantes descontos, distintos vehÃculos seminovos e de ocasión de varios modelos, algúns deles de alta gama.
30% de desconto en RENFE
Aqueles que se decidan a visitar Ourense en tren para acudir á Mostra da Oportunidade, entre o 2 e o 4 de marzo, poden beneficiarse dun 30% de desconto en todas as liñas de RENFE, AVANT incluÃdo. Para obter este desconto é preciso presentar o bono que se pode descargar na páxina web de Expourense, www.expourense.org, na sección adicada a esta cita.
Para facer máis cómoda a visita, o salón conta cun amplo horario que vai dende as once da mañá ás nove da noite, é dicir, dez horas ininterrompidas os tres dÃas de feira. A Mostra ofrece ademais cun amplo aparcamento gratuÃto.
A Mostra naceu hai xa dazanove anos para ofrecerlle ó comercio minorista galego a oportunidade de liquidar os seus stocks, sendo a feira decana destas caracterÃsticas en Galicia. Nesta edición presentarán ofertas moi especiais nun momento no que o mercado máis o demanda.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañÃas galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos tÃteres, presentada por Viravolta, Vai de Roda e TÃteres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
