miércoles, 4 de noviembre de 2026
O secretario xeral para o Deporte, José Ramón Lete Lasa, presentou a lista dos galardoados cos Premios Deporte Galego 2011 que se entregan o 27 de decembro no Teatro Jofre de Ferrol. Estes galardóns recoñecen os méritos deportivos da tempada 2010-1011, e distinguen este ano 16 categorías; aínda que, a proposta do xurado, outorgaranse dous premios revelación: ao mellor deportista masculino e feminino.
Lista de premiados:
-Mellor deportista masculino: Javier Gómez Noya (triatlón).
-Mellor deportista feminina: Verónica Boquete (fútbol).
-Mellor deportista masculino discapacitado: Sebastián Rodríguez Veloso (natación-MF).
-Mellor deportista feminina discapacitada: Susana Rodríguez Gacio (triatlón).
-Mellor equipo masculino: Vigo Rugby Club.
-Mellor equipo feminino: Ponte Ourense (fútbol sala).
-Mellor equipo de deportistas discapacitadas ou discapacitados: Club Baloncesto Amfiv.
-Deportista revelación feminino: Bea Gómez (natación).
-Deportista revelación masculino: Jorge Prado (motociclismo)
-Mellor adestrador ou adestradora: Moncho Fernández (baloncesto).
-Mellor árbitro ou árbitra: Jorge Blanco (atletismo).
-Mellor evento deportivo: Campionato de Europa de Triatlón.
-Mellor patrocinio deportivo: Aceites Abril.
-Mellor labor informativo: Fernando Hidalgo (La Voz de Galicia).
-Mellor centro educativo na promoción do deporte en idade escolar: Colexio O Areal (Camariñas).
-Mellor entidade na promoción da actividade física e o deporte de base: Natural Sport-Videlgi Riveira (taekwondo)
-Concello co mellor labor na promoción da actividade física e o deporte: Unidade de promoción do exercicio Mancomunidade Terra de Celanova Saudable.
-Mención especial: NovaCaixaGalicia, Gadisa, Begano, Hijos de Rivera e Coren, as cinco empresas patrocinadoras da Fundación Deporte Galego.
-Mención especial: Agrupación deportiva de minusválidos de Ferrol.
-Mención especial: Gran Premio Cantones marcha atlética.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
