Notas de prensa

A Asociación de Enxeñeiros de Telecomunicación de Galicia outorga á empresa galega Nerade Networks o premio á mellor iniciativa empresarial no sector das TIC

Nerade Network Solution, de Bueu (Pontevedra) resultou gañadora, por decisión unánime do xurado, do Premio á Mellor Iniciativa Empresarial no sector das TIC 2004 convocado pola Asociación de Enxeñeiros de Telecomunicación (AETG) e patrocinado pola Fundación Ingeniero Gerardo García Campos.
O premio, de 6000 euros, será entregado nun acto público durante o desenvolvemento da Noite Galega das Telecomunicacións e a Sociedade da Información.
Valorándose especialmente o espírito emprendedor de tódalas propostas recibidas e a súa adecuación ó entorno socioeconómico galego, este premio fallouse a favor de Nerade Network Solution polos seguintes motivos:
-Pola súa implicación socioeconómica e efecto movilizador nunha zona vencellada ó sector primario.
-Pola dinamización e difusión da Sociedade da Información no seu entorno
-Pola complementariedade e interdisciplinariedade do equipo profesional que a compón.
-Pola súa oferta integral de servicios TIC
-Pola súa adecuación o seu mercado obxectivo
Dirixido a todas aquelas pequenas empresas (pemes) relacionadas co sector das Novas Tecnoloxías e Comunicación (TIC), este premio ten como obxectivo promover o sector das novas tecnoloxías en Galicia, deica unha firme Sociedade da Información na nosa Comunidade.
O venres, 26 de novembro, durante a celebración da Noite Galega das Telecomunicacións e da Sociedade da Información na illa da Toxa (Hotel Balneario Isla de la Toja) celebrarase, entre outros actividades, o acto público de entrega deste premio.
Organizada pola AETG, A Noite Galega das Telecomunicacións e da Sociedade da Información é o evento anual do sector das TIC (Tecnoloxías da Información e da
Comunicación) de Galicia onde se dan cita tódolos ámbitos relacionados coas Tecnoloxías da Información e as Comunicacións: administracións públicas, empresas do sector, medios de comunicación, universidades, fundacións e, por suposto, os enxeñeiros de telecomunicación.
O xurado estivo composto por:
-Presidente: Xerardo Xosé García Alvela, Secretario da Fundación Ingeniero Gerardo García Campos
-Vicepresidente: Carlos Pedreira Novo, membro da Xunta Directiva da AETG
-Secretario: Javier Franco Tubío, Vicepresidente da AETG
Vocais:
-Carlos Hernández Sande, catedrático da USC, xerente de Uniemprende.
-Miguel Merino, profesor titular da Universidade de Vigo
-Javier Toral Nistal, Consejero Delegado de Intelsis, Sistemas Intelidentes.
-osé Antonio Vázquez, Director de Control de Xesgalicia
Sobre AETG
A Asociación de Enxeñeiros de Telecomunicacións, creada en 1991, é unha asociación sen ánimo de lucro que conta con más de 1000 profesionais das Telecomunicacións e das Tecnoloxías.
Os Enxeñeiros de Telecomunicación representa case un 10% dos Enxeñeiros de Telecomunicación de España.
É este un dos principais motivos por o que unha asociación que representa a este colectivo, cobra vital importancia á hora de contribuír o desenvolvemento da Comunidade Galega en canto as Tecnoloxías.
Sobre a Fundación Ingeniero Gerardo García Campos
A fundación Ingeniero Gerardo García Campos fúndase no ano 1999 co obxecto de dar soporte a actividades que tiña previsto facer Xerardo García Campos e que se afastan un pouco dos proxectos industriais consolidados; tales como o apoio ós promotores de calquera actividade ciéntifico-técnica que precise un soporte tanto financeiro como científico, estructural e moral que lles axude a realizar aquela actividade que xa está en marcha pero que precise un espaldarazo para acadar a súa consolidación definitiva.
Tamén pretende crear conciencia na sociedade galega para que saiba que existe unha fundación que ten unha función exclusivamente científico-técnica; á que poder acudir para recibir unha axuda no desenvolvemento de calquera actividade científica.