martes, 11 de agosto de 2026
O departamento técnico do Centro Tecnolóxico Agroalimentario de Lugo mantivo unha xuntanza de traballo cun grupo de empresas transformadoras de produtos ecolóxicos procedentes de toda Galicia e de Asturias. Nesta cita o CETAL presentou o seu Programa para o impulso da competitividade das empresas ecolóxicas españolas (Programa PICEECO), avanzou, ademais, o documento inicial desta iniciativa, as súas liñas estratéxicas e as ferramentas que utilizarán para darlle o pulo definitivo ao sector, tomando en conta aspectos tan diversos, para ese crecemento e posicionamento, como a internacionalización, estratexias de comunicación, ata a expansión da propia empresa en si.
Eduardo Vidal, que deu a benvida aos participantes, nesta xuntanza de traballo, explica que “este programa púxose en marcha orientándose de cara ao apoio das empresas ecolóxicas, por entender que este eslavón da cadea de valor do Sector Agroalimentario Ecolóxico español, non só debe xogar un papel absolutamente fundamental en dita cadea, senón que, ademais, necesita un impulso e uns apoios en consonancia coa su función e equivalentes aos que se asignan a outros eslavóns da citada cadea de valor”. Asà pois subliña que “este proxecto é a aposta máis forte e decidida por afianzar e posicionar un sector aÃnda emerxente en España”.
O CETAL está pendente de diversos contactos co Ministerio de Medio Ambiente, coa Federación española de empresas con produtos ecolóxicos e a Confederación de Cooperativas Agrarias de España, para que participen neste proxecto.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de EnerxÃas Renovables e Cambio Climático, Paula UrÃa. Tal e como explicou, o valor medio da temperatura máxima se situou en 29 graos, cunha anomalÃa positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, asà como persoas adestradoras ou técnicas, xuÃzas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuÃzas (16 mulleres e 13 homes) e 15 deportistas galegos de alto nivel vitalicios.
