miércoles, 4 de noviembre de 2026
A directora-xerente da S. A. de Xestión do Plan Xacobeo, Camino Triguero, realizou unha presentación institucional do Xacobeo e do Camiño de Santiago na Universidade de Kyung Hee en Corea do Sur. O acto celebrado enmárcase na liña de colaboración entre a ConsellerÃa de Cultura e Turismo e a Universidade de Santiago de Compostela que posibilita a realización dos Cursos Internacionais sobre o Camiño de Santiago en Seúl. A oferta formativa que se impartirá nas universidades surcoreanas de Kyung Hee University, Pyeongtaek University e Universidade Hankuk de Estudos Estranxeiros, contará coa participación do profesor de historia medieval da Universidade de Santiago de Compostela, José Miguel Andrade e da xerente de Cursos Internacionais da USC, Lanzada Calatayud. A representación da Xunta de Galicia que se desprazou ata Corea do Sur mantivo tamén un encontro co embaixador de España en Seúl, Luis Arias. A Embaixada de España en Corea posibilitou a realización desta viaxe e destaca polo seu traballo desenvolvido na promoción a prol do Camiño de Santiago desde a ConsellerÃa de Cultura, encabezada por Luis Fonseca.
Os Cursos Internacionais promovidos pola Universidade de Santiago de Compostela en colaboración coa Xunta de Galicia, a través da S. A. de Xestión do Plan Xacobeo, porán en valor as rutas xacobeas e promocionarán o Camiño de Santiago. Deste xeito, mañá xoves en Pyeongtaek e o venres en Seúl e Kyung Hee realizarase a presentación institucional do Xacobeo e do 800 aniversario da consagración da Catedral de Santiago. Deste xeito, o profesor José Miguel Andrade impartirá tres conferencias sobre a Historia do Camiño e das peregrinacións a Santiago de Compostela, tituladas ‘El Camino de Santiago: un pasado milenario y un presente de futuro’.
As presentacións estarán seguidas por mesas redondas onde peregrinos de Corea que fixeran o Camiño contarán a súa experiencia. Esta mañá na Universidade de Kyung Hee participou Kim Hyo Sun, autora de tres libros sobre o Camiño e considerada, xunto coa autora Kim Mamhee, unha das protagonistas do recente boom de camiñantes procedentes de Corea. A escritora falou da súa experiencia persoal como peregrina e animou aos mais de cen participantes a percorrer o Camiño de Santiago.
Cursos Internacionais
A colaboración de Cursos Internacionais da Universidade de Santiago de Compostela e a S.A. de Xestión do Plan Xacobeo para a promoción conxunta do Camiño de Santiago, pretende que a marca deste produto sexa coñecida e respectada no mercado do turismo lingüÃstico e cultural internacional, converténdose nun referente nos dous sectores. Un programa de calidade, exclusivo e diferente, que proporcione ao estudante a experiencia e coñecemento de Galicia, do Camiño de Santiago, da Universidade e que satisfaga todas as súas necesidades académicas, culturais e vivenciais.
O feito do espectacular aumento de peregrinos coreanos a Santiago xunto ao crecente interese dos estudantes coreanos por aprender español fai que esta acción promocional no continente asiático sexa especialmente interesante.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
