sábado, 7 de noviembre de 2026
Cun chamamento á unión de todos os axentes sociais (Administración, Patronal, sindicatos, etc.) e co obxectivo principal de formar e informar para facer chegar a toda a sociedade a rendibilidade de implrntar sistemas de prevención, o alcalde de Ourense, Francisco RodrÃguez, inauguraba a sexta edición de Previsel, o Salón da Prevención e Seguridade que ata mañá se celebra en Expourense e onde 30 expositores ofrecen as últimas novidades en produtos e servizos en materia de seguridade laboral. O salón conta ademais cun completo programa de actividades que inclúe unha trintena de conferencias e obradoiros organizados por distintas institucións ou empresas do sector.
Previsel abriu as súas portas recibindo hoxe a visita de máis de 500 alumnos e alumnas procedentes dos obradoiros de emprego procedentes de distintos concellos galegos.
Todos eles participaron actividades que máis se axustaban ó obradoiro que están a realizar e que estaban vencellados coa soldadura, cos traballos verticais, coa extinción de incendios ou coa manipulación de carretas elevadoras, entre outros. Mañá agárdase a visita de maÃs obraoidros de emprego. Ademais, visitaron o recinto de alumnos procedentes de varios Centros de Formación Profesional.
A estes grupos hai que engadir os visitantes que se achegaron ata Previsel da man da ConsellerÃa de Medio Rural para asistir a unha conferencia sobre a prevención de riscos laborais nos incendios forestais.
Protección Civil
Previsel acolleu unha Xornada Técnica sobre prevención e seguridade no traballo do voluntariado de Protección Civil na que participaron un cento de voluntaios desta agrupación de toda a provincia e na que recibiron nocións sobre cómo mover a lesionados en casos de accidente, rescate ou incendio e qué técnicas empregar.
Novidades
Entre as novidades que se poden atopar no salón destacan os simuladores de condución segura de APETAMCOR, que espertaron o interese dos visitantes ou a unidade móbil que SALVACON emprega como aula de formación en prevención para sectores como poden ser o sanitario, a pesca, a enerxÃa eólica ou o transporte.
No apartado de conferencias teóricas destacan as tres ponencias organizadas pola Confederación Empresarial de Ourense (CEO) sobre temas tan novidosos como o impacto no traballador da exposición a nanopartÃculas como poden ser fármacos, microchips ou a contaminación a escalar molecular.
Neste sentido, tamén se impartiu unha charla sobre “Exposome”, unha poderosa ferramenta para a avaliación da exposición a tóxicos que recolle todas as contaminacións ambientais ás que está sometida unha persoa dende o momento da concepción (inclúe dieta, lugar onde vive, factores culturais, tipo de traballo que realiza, etc.) e establece uns marcadores de exposición, susceptibilidade e efecto. O relator desta ponencia, o director médico do Laboratorio Lema&BandÃn, Tomás Camacho, reivindicou a importancia da interrelación entre hixienistas, especialistas en análises clÃnicas e expertos en medicina do traballo para poder paliar os efectos dos tóxicos na saúde do traballador.
A última das conferencias de hoxe organizadas pola Ceo foi a que versou sobre “Security-Box”, unha práctica preventiva de riscos laborais desenvolvida pola fábrica de PSA-Citroen en Vigo que levaron a cabo máis de 6.700 traballadores e que xa foi exportada a outras fábricas francesas do Grupo. A S-Box consta de oito salas nas traballadores acompañados por un monitor, mediante probas ludicas e actividades interactivas e que movan á reflexión, levan a cabo sesións de sensibilización sobre a seguridade no traballo en materia de circulación vial interior, equipos de protección individual, seguridade en máquinas, etc. A S-Box foi finalista nos Premios de Excelencia de PSA, cos que o grupo distingue os proxectos que supuxeron avances excepcionais.
O programa de conferencias remata esta tarde coa celebración dunha mesa de debate sobre alcol, drogas e barbitúricos e a súa relación coa responsabilidade empresarial e a lei de Protección de Datos na que participan representantes da Inspección de Traballo, do xulgado social, dos sindicatos e do colexio de avogados.
Cruz Vermella impartiu varios obradoiros integrados na denominada “cadea da supervivencia” e que inclúen conferencias e clases prácticas sobre a reanimación cardiopulmonar en adultos, nenos e lactantes, cómo actuar en caso de obstrución de vÃa aérea ou cómo manexar un desfribilador para persoal non médico. A charlas sobre a introdución á prevención ofrecidas polo ISSGA, e os obradoiros de manipulación de carretas elevadoras (Carfluid e APETAMCOR), de traballos en altura (Cables y Eslingas e Orensanex) e de soldadura (AIMEN) completaron o programa de actividades diarias.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
