miércoles, 4 de noviembre de 2026
O presidente da Xunta, Alberto Núñez Feijóo, subliñou na inauguración da feira de arte contemporánea Espacio Atlántico que ésta é a unión de 43 galerías e o diálogo aberto de 300 artistas. Unha feira, engadiu, que crece a pesar das dificultades e irrompe con forza no panorama cultural a pesar dos seus escasos anos de vida, destacou.
A pesar de que recoñeceu que na voráxine da actualidade a cultura asume un papel discreto pero esencial, Alberto Núñez Feijóo referiuse ao potencial de Espacio Atlántico para manter viva a nosa identidade como pobo. Todos os que estamos aquí, xa sexa como anfitrións, xa sexa como visitantes, compartimos a satisfacción de poder ser partícipes da expresión creativa dun país: Galicia; e tamén dunha época: a nosa, asegurou, lembrando que a esencia xacobea e emigrante de Galicia se traduciu, desde sempre, nunha tendencia a compartir e a proxectar a cultura galega máis aló das nosas fronteiras e a asimilar con interese as achegas que chegan de fóra. Este ideal de integración e de tolerancia é a gran contribución da cultura galega, aseverou ao respecto, incidindo en que nesta feira de arte contemporánea que se celebra en Vigo está a proba de que este ideal segue vivo.
Lonxe de aferrarse a actitudes elitistas ou herméticas, Espacio Atlántico alenta, impulsa e potencia o noso carácter aberto, a nosa vocación internacional e o noso espírito solidario, dixo, ao igual que o fan as obras Bolboreta e Monte da Curota de Manolo Paz, lembrou, artista homenaxeado nesta edición de Espazo Atlántico e autor destas dúas esculturas que estes días se abren ao mar desde o porto vigués.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
