miércoles, 12 de agosto de 2026
Máis de 15 empresas asociadas ao Clúster Alimentario de Galicia (CLUSAGA) participarán, do día 13 ao 16 de marzo, no Evento Internacional de Alimentos e Bebidas de Londres (IFE, International Food & Drink Event). O presidente do Clusaga detalla que considera esta feira como a máis importante entre os eventos relativos ao sector alimentario en todo o Reino Unido. José Luis Antuña engade, ademais, que é unha oportunidade única para abrirnos as portas nun mercado tan complexo como é o británico.
Na IFE11, o Clúster contará cun stand con produtos de máis de 15 empresas; a isto hai que sumar a presenza directa de axentes de COREN, Calvo, INGAPAN, Portomuiños, Aceites Abril, Vinos y Bodegas Gallegas e Yatecomeré. Outros dos elaborados que levará a delegación galega, ata o recinto feiral londinense Excel, serán os de Torre de Nuñez, Cuevas-Marron Glacé, Queixerias Prestes, Martín Codax, Innolact, Cooperativa Condado Paradanta, Aguas de Sousas, Conejos Gallegos e Quival (El Nogal), así como catálogos do CRAEGA.
Para máis información a páxina web: www.ife.co.uk
Páxina web de IFE en español: http://www.ife.co.uk/page.cfm/Link=108/t=m
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
