jueves, 18 de junio de 2026
A Facultade de Ciencias da Comunicación acolle o XIII Congreso da Asociación Española de Historiadores do Cine, que se inaugurou baixo a presidencia do reitor da USC, Juan Casares e coa presenza do secretario xeral de Medios, Alfonso Cabaleiro; o presidente da AEHC, Julio Pérez Perucha; a responsable do comité organización, Margarita Ledo e a vicedecana de Ciencias da Comunicación, Marta Pérez Pereiro.
As xornadas analizan o cine español na II República dende diversas perspectivas. O programa deste venres inclúe tres sesións cientÃficas, outras tantas presentacións, unha conferencia, a exhibición de materiais cinematográficos republicanos, ademais da entrega das medallas de honra correspondentes á convocatoria do ano 2009. A Asociación Española de Historiadores do Cine recoñece, mediante a concesións deste recoñecemento o traballo de catro profesionais. Concretamente, na xornada deste venres 11 farase entregas das medallas ao produtor Enrique Cerezo e ao actor Germán Cobos, na Facultade de Ciencias da Comunicación, a partir das 20:00 horas. Pola súa banda, o sábado 12 o director Gonzalo Suárez e o realizador Lorenzo Soler recibirán o seu galardón nun acto que terá lugar na Cidade da Cultura dende as 18:00 horas.
A sesión do venres 11 comeza ás 9:30 horas cunha sesión cientÃfica na que se analizará dende a publicidade nas salas de cine dos anos 30 ata a prensa cinematográfica da II República. Asà mesmo, a catedrática da USC Margarita Ledo impartirá unha conferencia sobre ‘Hipóteses con ás: estudos sobre “Galicia” de Carlos VeloÂ’, faranse varias presentacións e haberá outras dúas mesas cientÃficas. A xornada concluirá cunha exhibición de materiais republicanos a partir das 21:30 horas.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crÃtico e experiencia colectiva. Entre estas propostas figura A Fortaleza, da compañÃa A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo RodrÃguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
