sábado, 27 de diciembre de 2025
A Axencia Galega das Industrias Culturais (Agadic) colabora coa organización do Primavera Sound cara á celebración de seis showcases de bandas galegas dentro do PrimaveraPro, a área para profesionais do festival que se celebra a finais de maio en Barcelona. Esta iniciativa suporá, ademais, a primeira participación conxunta da música galega nesta cita de referencia internacional dentro do panorama alternativo e independente.
Con tal fin, a entidade da ConsellerÃa de Cultura e Turismo está a desenvolver un proceso de preselección de 10 grupos, que serán propostos á organización do PrimaveraPro para que esta elixa as seis bandas galegas que finalmente tocarán en dous escenarios –Showcase e VICE– diante do público especializado de diferentes paÃses que se dará cita do 26 ao 28 de maio no recinto do Parc del Fòrum.
Todos estes grupos deberán estar representados, asà mesmo, por empresas galegas, ademais de se axustar aos estilos musicais promovidos polo festival barcelonés, abandeirado da escena indie en xéneros como o pop, o rock ou a electrónica, entre outros. Ademais dos gastos de aloxamento e desprazamento, as seis formacións contarán co apoio da organización na produción dos showcases e na promoción dos mesmos na prensa especializada, ademais de entre o público do festival e os profesionais acreditados.
Participación agrupada
O festival Primavera Sound puxo en marcha en 2010 a iniciativa PrimaveraPro como unha ferramenta enfocada aos profesionais da industria musical mediante espazos de encontro e negocio, conferencias, mesas de traballo, showcases e recepcións, entre outras actividades especÃficas. A través das seis bandas finalmente seleccionadas, a música galega participará de xeito agrupado neste encontro, onde estarán representadas axencias de management, promotoras de concertos, distribuidoras e demais empresas do sector, ademais de prensa e organismos públicos.
O festival Primavera Sound celebra en 2011 a súa décimo primeira edición con máis de 125 grupos confirmados ata o momento nun cartel que se desenvolverá en oito escenarios. O grupo galego Triángulo de Amor Bizarro forma parte deste ampla listaxe, xunto a nomes como Animal Collective, El Guincho, PJ Harvey, Interpol ou Sufjan Stevens. A organización prevé que arredor de 30.000 persoas visiten cada dÃa o festival, que amplÃa de tres a cinco os dÃas de concertos: o 25 e 29 de maio no Poble Español e do 26 ao 28 no Parc del Fòrum.
Cerca do 90% das empresas galegas con máis de 10 persoas empregadas utiliza aplicacións de software libre e a porcentaxe é de máis do 67% no caso das microempresas. Os datos forman parte do estudo O Software Libre nas Empresas de Galicia elaborado polo Observatorio da Sociedade da Información en Galicia (Osimga), adscrito á Axencia para a Modernización Tecnolóxica de Galicia. Os datos proceden da Enquisa sobre o uso de TIC e comercio electrónico nas empresas, que realiza o INE anualmente, que cede os datos a OSIMGA en virtude do convenio de colaboración. Entre os programas máis utilizados destacan os navegadores de Internet (95,5%), as aplicacións ofimáticas (75,3%) e os sistemas operativos libres (51,5%).
A ConsellerÃa de Sanidade publica, na súa páxina web, o informe de actividade das infeccións respiratorias agudas correspondente á semana do 15 ao 21 de decembro, que sinala que a actividade gripal en Galicia continúa con intensidade media e con tendencia decrecente. Segundo os datos recollidos polo servizo de vixilancia epidemiolóxica da Dirección Xeral de Saúde Pública, xa se acadou o pico da onda epidémica da gripe. Respecto da semana anterior, rexÃstrase un descenso na taxa de consultas por gripe en atención primaria dun 5 %.
