sábado, 27 de diciembre de 2025
O festival Sónar Galicia 2011, que terá lugar o 17 e 18 de xuño na Coruña, suma novas incorporacións á súa programación. O Festival Internacional de Música Avanzada, que tamén se celebrará en Barcelona entre o 16 e o 18 de xuño, levará á cidade herculina a M.I.A., unha figura clave no panorama actual da música electrónica que ofrecerá en Sónar as súas únicas actuacións deste ano en España.
Ao cartel de Sónar Galicia tamén se suman o sudafricano Die Antwoord, que presentará a súa proposta musical na que se atreve co rap, o pop ou o eurobeat, e os australianos Cut Copy. Xunto a eles tamén estarán Boys Noize, que presentarán un potente show audiovisual, e Buraka Som Sistema. O abono para Sónar Galicia pode adquirirse ata o próximo luns, 28 de febreiro, a un prezo reducido de 60 euros. A partir do 1 de marzo, terá un prezo de 65 euros e xa se poderán comprar as entradas dunha noite, que custarán 35 euros.
O festival de música electrónica volve a Galicia este ano para consolidar a súa segunda sede na Coruña trala exitosa primeira experiencia do 2010, cando se desdobrou o festival en dúas cidades distintas nun mesmo fin de semana. A celebración desta segunda edición será posible grazas á colaboración de Avanced Music e a ConsellerÃa de Cultura e Turismo da Xunta de Galicia.
En 2011, Sónar Galicia combinará grandes shows de artistas internacionais de recoñecida traxectoria con propostas de corte vangardista e experimental, sempre poñendo unha mirada atenta sobre a musica feita en Galicia. Por segundo ano consecutivo, o recinto de ExpoCoruña será o escenario de máis de vinte actuacións, entre concertos e DJÂ’s, de artistas do panorama nacional e internacional. Magnetic Man, a primeira mega-banda da xeración dubstep, será unha das grandes atraccións desta nova edición do festival, tanto na Coruña como en Barcelona. Este trÃo británico, composto polos produtores e DJÂ’s Benga, Skream e Artwork, é considerado como a primeira formación de dubstep para as masas. Xunto a Magnetic Man, no cartel de Sónar Galicia tamén destaca o grupo Underworld, unha das formacións máis importantes na historia da música electrónica, ou Salem.
A primeira edición de Sónar Galicia, celebrada entre o 17 e o 19 de xuño de 2010 con motivo da celebración do Ano Santo, pechou as súas portas cun importante éxito de público tras reunir a máis de 14.000 persoas. Da man de Xacobeo 2010, Sónar Galicia ofreceu ao público galego tres xornadas de música avanzada e arte multimedia nas que se apostou decididamente polos representantes dos novos sons de Galicia.
Cerca do 90% das empresas galegas con máis de 10 persoas empregadas utiliza aplicacións de software libre e a porcentaxe é de máis do 67% no caso das microempresas. Os datos forman parte do estudo O Software Libre nas Empresas de Galicia elaborado polo Observatorio da Sociedade da Información en Galicia (Osimga), adscrito á Axencia para a Modernización Tecnolóxica de Galicia. Os datos proceden da Enquisa sobre o uso de TIC e comercio electrónico nas empresas, que realiza o INE anualmente, que cede os datos a OSIMGA en virtude do convenio de colaboración. Entre os programas máis utilizados destacan os navegadores de Internet (95,5%), as aplicacións ofimáticas (75,3%) e os sistemas operativos libres (51,5%).
A ConsellerÃa de Sanidade publica, na súa páxina web, o informe de actividade das infeccións respiratorias agudas correspondente á semana do 15 ao 21 de decembro, que sinala que a actividade gripal en Galicia continúa con intensidade media e con tendencia decrecente. Segundo os datos recollidos polo servizo de vixilancia epidemiolóxica da Dirección Xeral de Saúde Pública, xa se acadou o pico da onda epidémica da gripe. Respecto da semana anterior, rexÃstrase un descenso na taxa de consultas por gripe en atención primaria dun 5 %.
