sábado, 10 de mayo de 2025
O mércores día 20, ás 12.00 horas, terá lugar no Museo do Pobo Galego a presentación da exposición A Gandaría, tesouro de Galicia aos medios de comunicación, que serán atendidos polo comisario da mostra e director do Museo do Pobo Galego, Carlos García Martínez, xunto co Presidente da Indicación Xeográfica Ternera Gallega, Jesús González e o Xefe de Servizo de producción Ganderira da Consellería de Política Agroalimentaria e Desenvolvemento Rural, Gerardo Rivero Cuesta.
Ás 19.30 horas celebrarase o acto de inauguración, no que intervirán o conselleiro de Política Agroalimentaria e Desenvolmento Rural, José Antonio Santiso Miramontes; o director do Museo do Pobo Galego e comisario da mostra, Carlos García Martínez; o presidente do Padroado do Museo do Pobo Galego, Isaac Díaz Pardo; e o presidente do Consello Regulador da Indicación Xeográfica Protexida Ternera Gallega, Jesús González Vázquez.
A gandaría, tesouro de Galicia é unha iniciativa da Indicación Xeográfica Ternera Gallega, producida xunto co Museo do Pobo Galego e co apoio da Consellería de Política Agroalimentaria e Desenvolvemento Rural, que dará a coñecer a importancia cultural, social, económica e zootécnica da gandaría na nosa comunidade autónoma, dende a prehistoria ata a actualidade.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
