lunes, 15 de junio de 2026
Xantar 2011 pechou as súas portas tendo superadas as expectativas da organización e dos expositores logo de cinco días de intensa actividade. Unha vez analizados todos os datos, a organización calcula que a 12ª edición do Salón Galego de Gastronomía e Turismo contou con 22.250 visitantes, un 1,4% máis que no 2010, dos cales 18.650 comeron ou cearon nalgún dos 19 restaurantes do salón. Isto implica un incremento do 4,8% no número de comensais no que puido contribuir a redución no prezo dos menús sen baixar nin a calidade nin a variedade dos mesmos.
Os restaurantes desta edición rexistraron un alto grao de ocupación, sobre todo, durante a fin de semana. O sábado día 5 de febreiro foi a xornada que rexistrou maior número de visitas, un total de 6.900. Polo que respecta á procedencia dos visitantes a Xantar, un 42% procedían da provincia de Ourense e un 39% do resto de provincias galegas, sendo Pontevedra, cun 21% a que contou con maior número de visitantes. Ademais destaca o feito de que un 13% procedía de Portugal e un 10% do resto de España. Estes datos conlevan o aumento do nivel de ocupación dos establecementos hoteleiros da cidade e os arredores durante os cinco días de celebración de Xantar.
Enquisas de satisfacción
As enquisas de satisfacción realizadas aos expositores reflicten que un 90% ten intención de repetir na vindeira edición. Acádase o mesmo índice cando se lle pregunta aos vistantes. Estes valoraron a calidade dos menús con 8.5 puntos (sobre 10). Estes datos levan a que a valoración xeral de Xantar 2011, tanto por expositores como por visitantes, se sitúe nos 8.6 puntos.
Impacto mediático
A oferta da gastronomía galega presente nesta edición de Xantar foi seguida por máis de 15 millóns de persoas a través da información emitida e publicada polos principais medios de comunicación estatais. Os informativos das canles Antena 3, La Sexta e Telecinco cubriron o salón e programas de TVE como España Directo ou La mañana de la 1 emitiron en directo para todo o país. A estas hai que engadir as canles televisivas autonómicas e locais como a TVG, V Televisión ou Telemiño que deron boa conta de todo canto acontecía neste salón.
No que respecta á radio, Xantar estivo presente na programación da Cadena COPE a nivel nacional. No salón foron grabados ademais cinco programas de Paisajes y sabores, emitido por Radio Nacional de España- Radio Exterior e que chega a todos os países de fala hispana cunha audiencia media de entre 4 e 5 millóns de persoas.
Xantar 2011 contou con 137 expositores (un 13% máis que na edición de 2010) que ocuparon 12.000 metros cadrados de superficie. Entre eles destacan os 19 restaurantes, un maís que o ano pasado, procedentes de Galicia, das comunidades autónomas e rexións turísiticas portuguesas e de Francia, país convidado nesta edición. Todos eles ofreceron un total de 29 menús con prezos para todos os petos que ían dende os 12 ata os 32 euros, unha redución media do 10% con respecto a outras edicións.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
