miércoles, 12 de agosto de 2026
En declaracións aos medios tras visitar o Instituto Galego de Estatística (IGE), Fernández Currás explicou que a caixa galega, en caso de recibir o FROB e non adiantar estes saneamentos, estaría xa en disposición de cumprir os novos ratios anunciados polo Executivo central.
A titular de Facenda explicou que o marco xeral segue a ser a LORCA, con todas as súas posibilidades abertas, pero criticou os bandazos do Goberno central. Así, indicou que hai uns meses as provisións de cara ao futuro no concepto de perda esperada, era unha garantía de solvencia.
Sen embargo, engadiu que agora se cambiou a folla de ruta, cunha novas esixencias. "A caixa ao adiantar provisións sacrificou a cifra de capital, se a folla de ruta fose outra, tería reforzado o capital da maneira que fixeron outras entidades financeiras", sinalou.
Por outra banda, salientou que Novacaixagalicia fixo pública a súa exposición ao sector inmobiliario, e esta está por debaixo da media, xa que 16 entidades están peor e 10 mellor, cunha composición moi importante do risco inmobiliario que é minorista e unha porcentaxe de morosidade moi baixa. "Creo que as noticias son boas e que este proxecto non ten nin tivo no seu momento ningún risco de insolvencia. Agora hai un cambio de rumbo, un bandazo, un requeriminto mínimo de capital que non é esixido a ninguén do noso entorno e supón adiantar o calendario de Basilea do ano 2019", razoou.
Contactos contantes
Marta Fernández Currás tamén confirmou que o seu departamento mantén contactos constantes cos dirixentes da caixa galega e cos responsables do Banco de España e que se mantén expectante ata coñecer o contido do real decreto lei anunciado polo Goberno central para coñecer especificamente cales son as esixencias e as solucións.
En calquera caso, concluíu que, a pesar de que España está tendo problemas de credibilidade, non son as caixas de aforros precisamente as culpables, senón que o que non axuda son estes cambios constantes de rumbo do Executivo central.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
