sábado, 8 de agosto de 2026
O Presidente da Deputación, José Ramón Gómez Besteiro, avanzou que o organismo provincial acometerá novas actuacións en Begonte por valor de 9.000 euros dentro da aposta pola máxima cooperación cos Concellos. Gómez Besteiro subliñou que “rematamos un ano complicado no que todas as administracións vimos mermados os nosos ingresos, pero no que a Deputación, fronte á falsa austeridade doutras administracións, seguiu un lema: fronte á crise, hai que reiventarse e investir máis ca nunca. Baixo esta premisa, logramos inxectar en Begonte 850.000 euros nun ano”.
As novas obras que executará o organismo provincial son as seguintes: no Castro, acondicionamento e ensanche do camiño que vai dende a igrexa ó cemiterio, e mellora do o campo da festa (3.000 euros); en Felmil, arranxo do local social da asociación “Santiago de Felmil” (3.000 euros); e obras de mellora na localidade de Cerdeiras (3.000 euros). Estes investimentos súmanse ós realizados durante 2010 que son: 51.000 euros en pequenas actuacións; ós 160.000 euros na conservación das estradas provincias, ós 300.000 euros na implantación da administración electrónica; e os 334.000 euros para a mellora na rede de abastecemento nos núcleos de Begonte e Baamonde.
Esta última iniciativa foi solicitada polo Concello á Xunta e á Deputación ante a imposibilidade de levala a cabo, e logo dos continuos problemas. As tubaxes atópanse moi deterioradas polos anos o que obrigou ás arcas municipais a pagar máis de 50.000 euros anuais en arranxos. Ademais, a presión da auga non é suficiente para realizar tarefas domésticas nalgúns barrios. O organismo provincial puxo a disposición de Begonte unha partida económica do Plan Extraordinario de Obra Pública para executar estas obras que xa foron adxudicadas. Fronte a isto, o Concello segue a espera de que o Goberno galego se faga cargo do resto das actuacións que teñen un custe total de 670.000 euros.
Continuidade do belén electrónico
O titular provincial aproveitou a visita a Begonte para visitar o popular belén electrónico. Trátase dunha obra creada polo falecido artesán José RodrÃguez Varela, de recoñecido prestixio na Comunidade, e que cada ano visitan máis de 30.000 persoas. Conta con máis de 50 figuras que se estenden en 80 metros cadrados. Este ano, foi o primeiro no que non se incorporaron novas pezas debido ó falecemento do seu creador e responsable. Gómez Besteiro anunciou que “ante esta situación, a Deputación fai posible a continuidade desta creación concedendo unha subvención de 5.000 euros á Asociación Cultural José DomÃnguez Guizán para o mantemento e ampliación desta obra que identifica e dá nome á provincia”.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañÃas galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos tÃteres, presentada por Viravolta, Vai de Roda e TÃteres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
