sábado, 8 de agosto de 2026
O vicepresidente da Deputación, Antón Bao, e presidente nestes momentos do CB Breogán, asinou con Justo Jorge López, director-xerente de Polusa, un convenio mediante o cal a clínica lucense se compromete a aportar o apoio médico para o desenvolvemento das actividades deportivas do CB Breogán, no que compete a atención médica nos partidos xogados como local, prevención e tratamento de lesións dos xogadores no caso de producírense.
Pola súa parte, Antón Bao destacou que a sinatura deste convenio permite que o Breogán aforre unha parte importantísima de diñeiro que suporía a contratación dos servizos médicos a cambio de ofrecer o soporte publicitario a Polusa, e agradeceu a colaboración e implicación de Polusa nun exemplo do que debe ser o deporte nunha cidade, implicando a todos os estamentos da sociedade lucense.
Justo Jorge López, director xerente de Polusa, agradeceu tamén ao CB Breogán o excelente clima de colaboración que se vén fraguando desde tempo atrás e valorou o traballo que esta entidade está a desenvolver, non só como club profesional, senón nas categorías de base poñendo en valor o deporte intimamente
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
