viernes, 24 de abril de 2026
O presidente da Xunta, Alberto Núñez Feijóo, afirmou que este ano foi o éxito mundial do fútbol de España e o éxito cultural de España foi o Xacobeo 2010, con 9 millóns de visitantes. Este ano dixo- foi o ano do éxito do fútbol como equipo, no que non hai máis figuras que o traballo ordenado, a previsión, o esforzo, o adestramento e o traballo colectivo, e o éxito do Xacobeo 2010. Nove millóns de persoas viñeron a Galicia para recorrer un camiño; o camiño da vida, da espiritualidade
, en definitiva, o camiño da cada un dos que fixeron o Camiño de Santiago este 2010.
Logo de recibir ao adestrador da Selección Española de Fútbol e ao presidente da Real Federación Española de Fútbol, Feijóo transmitiu en nome dos galegos a alegría que significa a Copa do Mundo e apelou aos seus valores para superar estes momentos de dificultade, para conseguir que o éxito colectivo do fútbol se poda trasladar tamén ao éxito colectivo da superación desta fase de desesperanza e desasosego que inunda á sociedade española no ámbito económico pero sobre todo no ámbito do desemprego.
O responsable do Goberno galego destacou que detrás desta Copa do Mundo hai moitos anos, moitos xogadores, moitos clubes, moitos adestramentos, moita canteira, millóns de horas de traballo, miles de futbolistas practicando un deporte e millóns de afeccionados admirando á súa selección. Hai o esforzo, o traballo, o sacrificio que son os valores da Selección e que son os valores que conseguen éxitos.
Así mesmo, agradeceu a xenerosidade da Federación por cumprir a palabra dada e estar aquí, hoxe, coa Copa do Mundo antes de pechar a Porta Santa que non se volverá abrir ata o ano 2021.
O festival Play-Doc desenvolverá do 29 de abril ao 3 de maio en Tui a súa 22ª edición para conectar memoria, creación actual e futuro do cinema galego e internacional. No ámbito galego, a programación desta edición volve ocupar un lugar central cunha Competición Galicia que reúne títulos de Xiana do Teixeiro, Roi Fernández, Xacio Baño, Adrián Canoura, Cristina Souto, Hugo Amoedo, Bea Lema, Berio Molina e Chloé Lecci López, entre outras voces. O festival mantén, ademais, a sección Sombras, dedicada nesta ocasión á recuperación da figura de Rafael Luca de Tena, e unha nova edición de Coming Soon, espazo no que se presentarán proxectos galegos en desenvolvemento. O Play-Doc continúa a reforzar a súa función de escaparate e plataforma de difusión para a produción audiovisual do país e como punto de encontro para novas obras e profesionais.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
