jueves, 13 de agosto de 2026
Os orzamentos do 2011 para a provincia de Lugo teñen como referente a converxencia territorial, por elo priman o investimento nesta provincia e, fundamentalmente, impulsan o desenvolvemento en tres eidos básicos: O tecido empresarial, o medio rural e as infraestruturas.
Así o expuxo a delegada territorial da Xunta, Raquel Arias, quen destacou que os orzamentos da Xunta de Galicia para o vindeiro exercicio están caracterizados polo fortalecemento das políticas sociais, a extensión das novas tecnoloxías e o empuxe ao reequilibrio territorial. Os orzamentos, sinalou, blindan a prestación de servizos fundamentais e garanten a continuidade de todos os proxectos de infraestrutura que están en execución.
Arias repasou algúns dos investimentos que xa aparecen territorializados e que confirman o esforzo inversor que se pretende realizar en Lugo, sen contar con outras partidas xenéricas que terán unha incidencia especial na nosa provincia, como sucederá no ámbito da modernización tecnolóxica.
Así, o Plan de Banda Larga de Galicia reserva preto de 2 millóns de euros a investir en Lugo a través do operador público Retegal. Pero ademais, contempla o gasto de máis de 9 millóns de euros para contratar actuacións con operadores privados no conxunto de Galicia, e boa parte deste montante terá como destino a nosa provincia.
Arias incidiu no empeño da Xunta de avanzar cara á innovación tecnolóxica para lograr a definitiva incorporación de Lugo á sociedade da información e da comunicación. Debemos situar os cartos dos galegos naqueles sectores determinantes para o despegue da economía lucense afirmou-; en época de crise temos a obriga de ser máis competitivos.
Avance en infraestruturas dixitais
Na modernización tecnolóxica da provincia investiranse máis de 10 millóns de euros, destinados á aplicacións para pequenas empresas (comercio e servizos electrónicos), accións de alfabetización dixital, avance da administración electrónica e modernización da administración en concreto para a administración de xustiza destínanse máis de 800 mil euros-.
Xunto co avance nas infraestruturas dixitais, mantense o progreso das infraestruturas convencionais, continuando cos grandes proxectos en marcha. A Consellería de Medio Ambiente, Territorio e Infraestruturas consigna máis de 11 millóns para os tramos lucenses da VAC da Costa, 23 millóns para a VAC Sarria-Monforte e 5,5 millóns para o acondicionamento das estradas Baralla-O Cádavo e Becerreá-Navia de Suarna.
Dispón así mesmo partidas millonarias para solo industrial (preto de 4 millóns para o parque empresarial de Baamonde e 3,8 millóns para o das Gándaras, que xa ten parcelas á venda) así como para proxectos como o auditorio de Lugo (3,1 millóns) ou os accesos á área loxística de Monforte (1,5 millóns).
Actuacións no medio rural
De vital importancia para a nosa provincia serán tamén as actuacións no sector forestal e no sector lácteo que proxecta a Consellería de Medio Rural. Para o primeiro recóllense varias medidas de redución ou exención de impostos para impulsar as agrupacións de propietarios e a xestión viable do monte.
Pola súa banda, o plan estratéxico para o sector lácteo galego, que suporá un investimento de 838 millóns de euros ata o 2013, deixará xa no vindeiro exercicio máis de 70 millóns na provincia de Lugo.
Por último, Raquel Arias subliñou que os orzamentos incrementan ata cifras históricas o peso do gasto social, ao destinar 3 de cada 4 euros consignados ás prestacións fundamentais: Sanidade, educación e servizos sociais. A área de Benestar investirá 73,4 millóns de euros na provincia, o que permitirá incrementar as prazas en garderías como as de Alfoz, Baralla e Vilalba- e centros de día coa construción dun centro en Cervo e o inicio dunha residencia en Paradela-.
No tocante á sanidade, prevese un investimento de 2,2 millóns de euros para completar os equipamentos do novo hospital, que xa estará funcionando a pleno rendemento. Ademais, para completar os novos servizos de medicina nuclear, radioterapia e hemodinámica, a Consellería de Sanidade reserva 6,32 millóns de euros.
Na atención primaria, só en partidas territorializadas, adícanse preto de 12 millóns de euros para rematar os centros de saúde de Monterroso e Sarria e levar a cabo melloras noutros como os de Burela, Meira, Riotorto, Xermade, O Saviñao e o centro da Milagrosa, na capital.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
