jueves, 13 de agosto de 2026
O Presidente da Deputación, José Ramón Gómez Besteiro, o Director Xeral de Industria do Ministerio de Industria, Turismo e Comercio, Jesús Candil, e o Alcalde de Lugo, José López Orozco, inauguran o luns, 25 de outubro, a xornada sobre as axudas para a industria e modernización do proceso produtivo que o Goberno Central convoca para 2011, e ás que se poderán acoller as empresas e as institucións da provincia. As subvencións dispoñen de dúas convocatorias, a xeral dotada de 121 millóns de euros e, a de deslocalización, con 56,5 millóns.
Deste xeito, no encontro de acceso libre, que se celebrará no Salón de Actos do Pazo de San Marcos a partir das 12:30 horas, os principais responsables do Ministerio nesta materia explicarán de forma detallada ós empresarios e ós Alcaldes as distintas subvencións das que se poden beneficiar á hora de levar a cabo algún tipo de investimento industrial, e que permitirán acadar un maior desenvolvemento do tecido empresarial lucense, facéndoo máis competitivo. É o caso de como obter préstamos reembolsables a custo cero para diversas iniciativas empresariais, as subvencións existentes para a adquisición de equipos, instalacións industriais e loxísticas, ou as posibilidades de financiamento para a adquisición de sólo industrial, urbanización, construción, ampliación e adecuación de naves industriais, etc.
As xestións levadas a cabo por Gómez Besteiro fixeron posible a celebración da xornada que dá continuidade ó compromiso iniciado hai tres anos de fomentar os sectores estratéxicos da provincia, a través de organismos como a Sociedade Urbanística Provincial (SUPLUSA) coa creación de sólo industrial nos distintos municipios da provincia.
Trátase dunha oportunidade única nas que os asistentes terán ampla información por parte dos principais responsables do Goberno Central nesta materia, como os Sudirectores Xerais de Programas Estratéxicos e de Políticas Sectoriais Industrias, Alejandro Fernández Granado e Juan Alberto Ortigosa, quenes explicarán as axudas de reindustrialización e as de fomento da competitividade de sectores estratéxicos, así como do responsable da Empresa Nacional de Innovación S.A (ENISA), Cormac Leggett, quen profundizará nas liñas de financiamento que ofrece esta entidade no sector industrial.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
